କ୍ୱିଭ,୩ ।୧୨: ରୁଷିଆ-ୟୁକ୍ରେନ୍ ମଧ୍ୟରେ ପ୍ରାୟ ୧୦ ମାସ ହେବ ଯୁଦ୍ଧ ଲାଗି ରହିଛି । ଏଥିରେ ଉଭୟ ଦେଶର ବହୁ ଧନ ସମ୍ପତ୍ତି ନଷ୍ଟ ହୋଇଥିଲେ ବି କେହି ପଛକୁ ହଟିବାକୁ ଚାହୁଁ ନାହାନ୍ତି । ରୁଷିଆ ଆକ୍ରମଣରେ ୟୁକ୍ରେନର ଚମକୁଥିବା ସହ ଏବେ ଧ୍ୱଂସ ସ୍ତୁପରେ ପରିଣତ ହୋଇ ସାରିଛି । ଏହା ପରେ ବି ଉଭୟ ଦେଶ ହାର ମାନିବାକୁ ଅରାଜି । ଗୁରୁତ୍ୱପୂର୍ଣ୍ଣ କଥା ହେଉଛି ଏତେ ଛୋଟ ଦେଶ ହୋଇ ମଧ୍ୟ ୟୁକ୍ରେନ୍ ମୁଣ୍ଡ ନୁଆଁଇବାକୁ ରାଜି ନୁହେଁ । ଏହାରି ଭିତରେ ସମ୍ପୂର୍ଣ୍ଣ ୟୁରୋପରେ ଥିବା ୟୁକ୍ରେନ ଦୂତାବାସକୁ ଟାର୍ଗେଟ କରିଛି ରୁଷିଆ ।
ସ୍ପେନ ସହ ସମ୍ପୂର୍ଣ୍ଣ ୟୁରୋପରେ ଥିବା ୟୁକେନ୍ ଦୂତାବାସକୁ ପଶୁପକ୍ଷୀ ‘ରକ୍ତାକ୍ତ ପ୍ୟାକେଟ ଏବଂ ଲେଟର ବୋମା । ୟୁକ୍ରେନର ବୈଦେଶିକ ମନ୍ତ୍ରଣାଳୟ ଉକ୍ତ ରକ୍ତାକ୍ତ ପ୍ୟାକେଟକୁ ଏକ ଭୟଭୀତ ଓ ସୁଚିନ୍ତିତ ଆତଙ୍କବାଦୀ ଅଭିଯାନ ବୋଲି ବର୍ଣ୍ଣନା କରିଛନ୍ତି । ୱାଶିଂଟନ ପୋଷ୍ଟର ସୂଚନା ଅନୁଯାୟ, ଏହି ଘଟଣା ପଛରେ ରୁଷିଆର ଷଡଯନ୍ତ୍ର ଥାଇପାରେ ବୋଲି ଅନୁମାନ କରାଯାଉଛି ।
ୟୁକ୍ରେନ ବୈଦେଶିକ ମନ୍ତ୍ରଣାଳୟର ପ୍ରବକ୍ତା କହିଛନ୍ତି, ନେଦଲ୍ୟାଣ୍ଡସ, ପୋଲାଣ୍ଡ, କ୍ରୋଏସିଆ, ଇଟାଲୀ ଓ ଅଷ୍ଟ୍ରେଲିଆର ଦୂତାବାସ ସହ ଚେକ ଗଣରାଜ୍ୟର ନେପ୍ଲସ ଓ ବ୍ରାନୋ ସ୍ଥିତ ୟୁକ୍ରେନର ବାଣିଜ୍ୟ ଦୂତାବାସରେ ଏହି ରକ୍ତାକ୍ତ ପ୍ୟାକେଟ ମିଳିଛି । ରୋମରେ ଥିବା ୟୁକ୍ରେନ ଅଧିକାରୀ ୟେଭେଗେନିଆ ଭୋଲୋଶେଙ୍କୋ କହିଛନ୍ତି ଯେ ତାଙ୍କ ଦୂତାବାସରେ ପ୍ରାପ୍ତ ଏକ ପାର୍ସଲ ମଧ୍ୟରେ ମାଛର ଆଖି ରହିଛି । ଚେକ ପୋଲିସ କହିଛି ଏଠାରେ ଥିବା ୟୁକ୍ରେନର ବାଣିଜ୍ୟ ଦୂତାବାସରେ ମଳିଥିବା ଲଫାପାରେ ପ୍ରାଣୀଙ୍କ ଟିସୁ ରହିଛି ।
