ନୂଆଦିଲ୍ଲୀ,୧୦ ।୧୧: ଦୁଇ ମାସରୁ ଅଧିକ ସମୟ ଧରି ଭାରତୀୟ ନୌସେନାର ୮ ଅଧିକାରୀଙ୍କୁ ଗିରଫ କରାଯାଇଥିଲା । ଏବେ ସେମାନେ ନଜ ବନ୍ଦୀ ଅଛନ୍ତି । ସେମାନଙ୍କ ପୁନରୁଦ୍ଧାରକୁ ନେଇ ରହସ୍ୟ ଜାରି ରହିଥିବା ବେଳେ ଗଲ୍ଫ ଦେଶରେ ଥିବା ଭାରତୀୟ ଦୂତାବାସ ଏହି ପ୍ରସଙ୍ଗରେ ସ୍ଥାନୀୟ କର୍ତ୍ତୁପକ୍ଷଙ୍କ ସହ ଯୋଗାଯୋଗରେ ଅଛନ୍ତି । ଏହା ଜାଣିବାକୁ ମିଳିଛି କି ଭାରତୀୟ ନାଗରିକଙ୍କୁ ଅଟକ ରଖିବାର କାରଣ ଏପର୍ଯ୍ୟନ୍ତ ସାର୍ବଜନିନ ହୋଇନାହିଁ କିମ୍ବା ଆନୁଷ୍ଠାନିକ ଭାବେ ଭାରତକୁ ପଠାଯାଇ ନାହିଁ । ଏମାନେ ପ୍ରାୟ ୭୦ ଦିନ ହେବ ଜେଲରେ ରହିଛନ୍ତି । ଏହି ମାମଲା ସହ ଜଡିତ ଲୋକେ କହିଛନ୍ତି, ଦୋହାରେ ଥିବା ଭାରତୀୟ ଦୂତାବାସ କତାର କର୍ତ୍ତୁପକ୍ଷଙ୍କ ସହ ଯୋଗାଯୋଗରେ ଅଛନ୍ତି ଯାହାଦ୍ୱାରା ଭାରତୀୟମାନଙ୍କୁ ଆଉ ଏକ କନସୁଲାର ଆକ୍ସେସ ମିଳି ପାରିବ । ଭାରତୀୟ ଅଧିକାରୀଙ୍କୁ ଦୁଇଟି ଅବସରରେ ଗିରଫ କରାଯାଇଥିବା ବେଳେ ଭାରତୀୟ କର୍ତ୍ତୁପକ୍ଷଙ୍କୁ କନସୁଲାର ଆକ୍ସେସ ପ୍ରଦାନ କରାଯାଇଛି । ଦୋହାର କତାର କର୍ତ୍ତୁପକ୍ଷ କିମ୍ବା ନୂଆଦିଲ୍ଲୀରେ ଥିବା ସେହି ଦେଶର ଦୂତାବାସ ଦ୍ୱାରା ଏପର୍ଯ୍ୟନ୍ତ କୌଣସି ସରକାରୀ ମନ୍ତବ୍ୟ ଦିଆଯାଇ ନାହିଁ ।
ସୂଚନାଯୋଗ୍ୟ, ନୌସେନାର ୮ ପୂର୍ବତନ କର୍ମଚାରୀ ଏକ ଘରୋଇ ଫାର୍ମରେ ‘ଦାହରା ଗ୍ଲୋବାଲ ଟେକ୍ନୋଲୋଜି ଆଣ୍ଡ କନସଲଟାନ୍ସି ସର୍ଭିସେସ’ ପାଇଁ କାମ କରୁଥିଲେ । ଏମାନେ କେବଳ ସେମାନଙ୍କ ପରିବାର ସଦସ୍ୟଙ୍କ ସହ କେବେ କେବେ କଥା ହେଉଥିଲେ ।
