ଲକ୍ଷ୍ମୀପୁର,୨୫ା୫(ଅନନ୍ତ ପ୍ରସାଦ ନାୟକ): କୋରାପୁଟ ଜିଲା ଲକ୍ଷ୍ମୀପୁର ବ୍ଲକ ଅନ୍ତର୍ଗତ କାକିରିଗୁମା ଥାନା ପୋଲିସ ଦ୍ବାରା ବିଳମ୍ବିତ ରାତିରେ ପାଟ୍ରୋଲିଂ କରୁଥିବା ସମୟରେ ଏକ ଗଞ୍ଜେଇକୁ ଗାଡ଼ି ଜବତ କରିବା ସହ ତିନିଜଣଙ୍କୁ ଅଟକ ରଖିଛି ପୋଲିସ।
ସୂଚନା ମୁତାବକ, ରବିବାର ରାତିରେ ସମୟରେ ଏଏସ୍ଆଇ ସୁରେନ୍ଦ୍ର କୁମାର ବସ୍ତିଆଙ୍କ ସହ ଥାନା କର୍ମଚାରୀ ପାଟ୍ରୋଲିଂ କରୁଥିବା ସମୟରେ ଏକ ମାରୁତି କାର୍ ନଂ ଏମ୍ଏଚ୍ ୪୪ ୟୁ ୩୮୭୩ ଜାତୀୟ ରାଜପଥ ୩୨୬ କୋରାପୁଟ ଅଭିମୁଖେ ଯିବା ସମୟରେ ପୋଲିସ
ଗାଡ଼ି ସେହି ଗାଡ଼ିକୁ ଅଟକାଇବାକୁ ଚେଷ୍ଟା କରିଥିଲା କିନ୍ତୁ ଗାଡ଼ିଟି ନ ଅଟକି ଦ୍ରୁତଗତିରେ ଖସି ଚାଲି ଯାଇଥିଲା। ପୋଲିସ ସନ୍ଦେହ କରି କାର୍ଟିକୁ ପିଛା କରିଥିଲା କିନ୍ତୁ କାର୍ଟି ଦ୍ରୁତଗତିରେ ଯାଇପଞ୍ଚଡ଼ା ବ୍ରିଜ୍ଠାରେ ଭାରସାମ୍ୟ ହରାଇ ଦୁର୍ଘଟଣା ଘଟିଥିଲା। ପୋଲିସ ୩ ଜଣଙ୍କୁ ଉଦ୍ଧାର କରି ତଦନ୍ତ କରିବା ବେଳକୁ କାର ଭିତରେ ଗଞ୍ଜେଇ ଥିବା ଜଣାପଡ଼ିଥିଲା। ଗଞ୍ଜେଇ ଜବତ କରିବା ସହ ୩ ଜଣଙ୍କୁ ଅଟକ ରଖି ଥାନା ଆଣି ତଦନ୍ତ କରୁଥିବା ଜଣାପଡ଼ିଛି। ଗଞ୍ଜେଇର ଓଜନ ଓ ମୂଲ୍ୟ ଆକଳନ କରାଯାଇନାହିଁ।
