ଝାରସୁଗୁଡ଼ା ଅଫିସ,୨୯ା୧୦: ଗତ ବୁଧବାର ବେଙ୍ଗାଲୁରୁ-ହଟିଆ ଏକ୍ସପ୍ରେସ୍ ଟ୍ରେନ୍ରେ ଜଣେ ମହିଳା ଏକ କନ୍ୟା ସନ୍ତାନଙ୍କୁ ଜନ୍ମ ଦେଇଥିଲେ। ଝାରସୁଗୁଡ଼ା ଜଙ୍କ୍ଶନ୍ରେ ଉକ୍ତ ଟ୍ରେନ୍ ରହଣି ପରେ ଆର୍ପିଏଫ୍ କର୍ମଚାରୀ ଉକ୍ତ ମହିଳା ଓ ନବଜାତ ଶିଶୁକୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ। ଆର୍ପିଏଫ୍ର ଏଭଳି କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଥିଲା। ଏ ନେଇ ଝାରସୁଗୁଡ଼ା ‘ଏଇ ତ ଜୀବନ ଭି ଫାଉଣ୍ଡେଶନ’ ପକ୍ଷରୁ ଆର୍ପିଏଫ୍ କନଷ୍ଟେବଳ ମନୋରମା ମହାପାତ୍ର ଓ ଲଳିତା କୁମାରୀଙ୍କୁ ପୁଷ୍ପଗୁଚ୍ଛ ଦିଆଯାଇ ସମ୍ବର୍ଦ୍ଧିତ କରାଯାଇଥିଲା। ସଭାରେ ବରିଷ୍ଠ ନାଗରିକ ବାଳଗୋବିନ୍ଦ ମିଶ୍ର, ଅଞ୍ଜଳି ପ୍ରଭା ପଟ୍ଟନାୟକ, ମାନସୀ ପଣ୍ଡା, ଜ୍ୟୋତିର୍ମୟୀ ବେହେରା, ମଞ୍ଜୁଳା ବେହେରା, ହରପ୍ରିତ୍ ସିଂହ, ବ୍ରଜ ରାୟ, କବିତା ନାୟକ, ପବିତ୍ର ସ୍ବାଇଁ, ଆଶିଷ ଅଗ୍ରଓ୍ବାଲ ଓ ଲକ୍ଷ୍ମଣ ସ୍ବାଇଁ ପ୍ରମୁଖ ଉପସ୍ଥିତ ଥିଲେ ା
