ପୋର୍ଟ ବ୍ଲେୟାର,୨୭ ।୧୦: ସାମୁହିକ ବଳାତ୍କାର ଓ ଯୌନ ଉତ୍ପିଡନ ମାମଲାରେ ଆଣ୍ଡାମାନ ନିକୋବର ଦ୍ୱିପର ପୂର୍ବତନ ମୁଖ୍ୟ ସଚିବ ଜିତେନ୍ଦ୍ର ନାରାୟଣ ଓ ଶ୍ରମ ସଚିବ ଆରଏଲ ଋଷିଙ୍କ ବିରୋଧରେ ଏସଆଇଟିକୁ ପ୍ରମାଣ ମିଳିଛି । ଏହି ପ୍ରମାଣ କଥିତ ଭାବେ ‘ଜବ ଫର ସେକ୍ସ ର୍ୟାକେଟ’ ଆଡକୁ ଇସାରା କରୁଛି । ଇଣ୍ଡିଆନ ଏକ୍ସପ୍ରେସର ଏକ ରିପୋର୍ଟ ଅନୁଯାୟୀ, ଏସଆଇଟି ମୁଖ୍ୟ ସାକ୍ଷିଙ୍କ ବୟାନ ରେକର୍ଡ କରିଛି । ଯାଞ୍ଚ ଅଧିକାରୀ ଜାଣିବାକୁ ପାଇଛନ୍ତି କି ୨୦ରୁ ଅଧିକ ମହିଳାଙ୍କୁ ତାଙ୍କ କାର୍ଯ୍ୟକାଳ ସମୟରେ କଥିତ ଭାବେ ପୋର୍ଟ ବ୍ଲୋୟାରରେ ନାରାଇନଙ୍କ ଘରକୁ ନିଆଯାଇଥିଲା । ଏମାନଙ୍କ ମଧ୍ୟରୁ କେତେଜଣଙ୍କୁ ଯୌନ ଶୋଷଣ ପରେ ଚାକିରି ଦିଆଯାଇଛି ।
ନାରାଇନ ୨୮ ଅକ୍ଟୋବରରେ ଏସଆଇଟି ସାମ୍ନାରେ ହାଜର ହେବା ଅନୁମାନ କରାଯାଉଛି । କଲକତା ହାଇକୋର୍ଟ ତାଙ୍କ ଉପସ୍ଥିତିର ଶେଷ ତାରିଖ ନିର୍ଦ୍ଧାରିତ କରିଛନ୍ତି । ପୋର୍ଟ ବ୍ଲେୟାରରେ ବରିଷ୍ଠ ପୋଲିସ ଅଧିକାରୀ ଦ ଇଣ୍ଡିଆନ ଏକ୍ସପ୍ରେସକୁ ଦେଇଥିବା ସୂଚନା ଅନୁଯାୟୀ, ଉଭୟ ନିଲମ୍ବିତ ଅଧିକାରୀଙ୍କ ମୋବାଇଲ ଫୋନର ସିଡିଆର(କଲ ଡେଟା ରେକର୍ଡ)ଓ ୨୧ ବର୍ଷୀୟା ମହିଳାଙ୍କ ଫୋନ କଲ ଘଟଣାକ୍ରମ ସହ ମେଳ ଖାଉଛି ।
ବିଶେଷ ସୂତ୍ରରୁ ଆହୁରି ମଧ୍ୟ ସୂଚନା ମିଳିଛି ଯେ ମୁଖ୍ୟ ସଚିବଙ୍କ ଘରେ ଲାଗିଥିବା କ୍ଲୋଜ ସର୍କିଟ(ସିସିଟିଭି) କ୍ୟାମେରାର ଡିବିଆର୍(ଡିଜିଟାଲ ଭିଡିଓ ରେକର୍ଡର)ର ହାର୍ଡ ଡିସ୍କକୁ ପୂର୍ବରୁ ନଷ୍ଟ କରି ଦିଆଯାଇଛି । ଏହାସହ ତାଙ୍କର ଯେତେବେଳେ ବ୍ଲେୟାରୁ ଦିଲ୍ଲୀ ବଦଳି କରାଗଲା ସେତେବେଳେ ଡିବିଆରକୁ ହଟାଇ ଦିଆଯାଇଥିଲା । ଏହାକୁ ନେଇ ପିଡବ୍ଲୁଡିର ଜଣେ ଅଧିକାରୀ ଓ ଜଣେ ସ୍ଥାନୀୟ ସିସିଟିଭି ବିଶେଷଜ୍ଞ ଇଲେକ୍ଟ୍ରୋନିକ ସାକ୍ଷୀର କଥିତ ଭାବେ ନଷ୍ଟ କରିଦିଆଯାଇଥିବା କହି ସାକ୍ଷୀ ଦେଇଛନ୍ତି ।
