ବେଙ୍ଗାଲୁରୁ,୨୩।୧୦: କର୍ନାଟକ ସରକାରଙ୍କ ଜଣେ ମନ୍ତ୍ରୀ ମହିଳାଙ୍କୁ ଚାପୁଡ଼ା ମାରି ଚର୍ଚ୍ଚାକୁ ଆସିଛନ୍ତି। ମନ୍ତ୍ରୀ ଚାପୁଡ଼ା ମାରିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। କର୍ନାଟକ ଗୃହ ମନ୍ତ୍ରୀ ଭି. ସୋମନ୍ନା ଚାମରାଜନଗର ଜିଲାର ଗୁଣ୍ଡଲୁପେଟ ତାଲୁକର ହଙ୍ଗାଲା ଗ୍ରାମରେ ଜମି କାଗଜ ବଣ୍ଟନ କାର୍ଯ୍ୟକ୍ରମରେ ଯୋଗ ଦେଇଥିବାବେଳେ ଏହି ଘଟଣା ଘଟିଛି। ମନ୍ତ୍ରୀ ମହିଳାଙ୍କୁ ଚାପୁଡ଼ା ମାରିବା ମାତ୍ରେ ସେ ତାଙ୍କ ପାଦ ଛୁଇଁ ପକାଇଥିଲେ।
ସୂଚନାଯୋଗ୍ୟ, କର୍ନାଟକ ଜମି ରାଜସ୍ବ ଅଧିନିୟମର ଧାରା ୯୪ସି ଅନୁଯାୟୀ ଗ୍ରାମାଞ୍ଚଳରେ ପ୍ରାୟ ୧୭୫ ଲୋକ ଜମି ପାଇବାକୁ ଯୋଗ୍ୟ ହୋଇଥିଲେ। ଏଥିପାଇଁ ଏକ ସମ୍ପତ୍ତି ଡକ୍ୟୁମେଣ୍ଟ ବଣ୍ଟନ ସମାରୋହର ଆୟୋଜନ କରାଯାଇଥିଲା। ଜଣେ ଗରିବ ମହିଳାଙ୍କୁ ରାଜସ୍ବ ବିଭାଗ ପକ୍ଷରୁ କୌଣସି ପ୍ଲଟ ଦିଆଯାଇ ମିଳି ନ ଥିବାରୁ ସେ ତାଙ୍କ କଷ୍ଟ ଜଣାଇବା ପାଇଁ ମନ୍ତ୍ରୀଙ୍କ ନିକଟକୁ ଯାଇଥିଲେ। କିନ୍ତୁ ମନ୍ତ୍ରୀ ତାଙ୍କ ଗୁହାରୀ ଶୁଣିବା ପରିବର୍ତ୍ତେ ତାଙ୍କୁ ଚାପୁଡା ମାରିଥିଲେ। ତଥାପି ମହିଳା ଜଣଙ୍କ ଚାପୁଡା ଖଶଇ ମଧ୍ୟ ମନ୍ତ୍ରୀଙ୍କ ଗୋଡ ଧରି ପକାଇଥିଲେ।
ଏହି ଘଟଣାରେ କଂଗ୍ରେସ ନେତା ରଣଦୀପ ସୁରଜେୱାଲା ଭାଜପା ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରି ସୋମନ୍ନାଙ୍କ ଇସ୍ତଫା ଦାବି କରିଥିଲେ।
#WATCH | Karnataka Minister V Somanna caught on camera slapping a woman at an event in Chamarajanagar district's Hangala village in Gundlupet Taluk, where he was distributing land titles.
(Source: Viral video) pic.twitter.com/RGez4y1fCV
— ANI (@ANI) October 23, 2022
