ବିଶ୍ୱ ମାନଚିତ୍ରରେ ଶହ ଶହ ଦେଶ ରହିଛି। ପ୍ରତ୍ୟେକ ଦେଶର ନିଜସ୍ବ ଭୌଗୋଳିକ ସ୍ଥିତି ମଧ୍ୟ ରହିଛି। କିଛି ଦେଶ ନିଜର ବିଶେଷତ୍ୱ ପାଇଁ ବେଶ୍ ଜଣାଶୁଣା। ଏହା ମାଧ୍ୟମରେ ପ୍ରତ୍ୟେକ ଦେଶର ନିଜ ନିଜର ପରିଚୟ ସୃଷ୍ଟି କରିଥାନ୍ତି। ଆମେ ଦୁନିଆର ଅନେକ ଦେଶ ବିଷୟରେ ଜାଣିଛୁ, କିନ୍ତୁ କିଛି ଦେଶ ଅନେକ ବିଶେଷତ୍ୱ ବିଷୟରେ ଜାଣି ନ ଥାଉ। ଉଦାହରଣ ସ୍ବରୂପ ନ୍ୟୁଜିଲ୍ୟାଣ୍ଡ। ଏହି ଦେଶ ସହିତ ଅନେକ କୌତୂହଳପୂର୍ଣ୍ଣ ତଥ୍ୟ ଜଡ଼ିତ ରହିଛି। ଜାଣନ୍ତୁ ଏ ସମ୍ପର୍କରେ…
ସବୁଠାରୁ ସୁନ୍ଦର ଦେଶ ମଧ୍ୟରେ ନ୍ୟୁଜିଲ୍ୟାଣ୍ଡ ଅନ୍ୟତମ। ପ୍ରାକୃତିକ ଦୃଶ୍ୟ ଏବଂ ଜଙ୍ଗଲ ବିଷୟରେ କହିବାକୁ ଗଲେ ଏହି ଦେଶ ଚିର ସବୁଜ। ଏଠାକାର ସୁନ୍ଦର ଦୃଶ୍ୟରାଜି ଦେଖିବାକୁ ଦେଶ ବିଦେଶରୁ ଲୋକଙ୍କ ସୁଅ ଛୁଟେ। ଏହି ଦେଶର ଜନସଂଖ୍ୟା ବହୁତ କମ୍। ଏପରିକି ଏଠାରେ ଥିବା ମେଣ୍ଢାମାନଙ୍କ ସଂଖ୍ୟା ତୁଳନାରେ ମଧ୍ୟ କମ୍।
ଦେଶରେ ବାସ କରୁଥିବା ମୋଟ୍ ଜନସଂଖ୍ୟା ପ୍ରାୟ ୪୮ ଲକ୍ଷ। ଏହି ଦେଶର ପ୍ରତ୍ୟେକ ବ୍ୟକ୍ତିଙ୍କ ପାଖରେ ୫ଟି ଲେଖାଏ ମେଣ୍ଢା ରହିଛି। ସେହି ହାରତରେ ମୋଟ୍ ଜନସଂଖ୍ୟାଠାରୁ ମେଣ୍ଢାଙ୍କ ସଂଖ୍ୟା ଅଧିକ। କାରଣ ମେଣ୍ଢାଙ୍କଠାରୁ ବଟର ଏବଂ ପନିର ଉତ୍ପାଦିତ ହୋଇଥାଏ। ତେଣୁ ଲୋକେ ଘରେ ମେଣ୍ଢା ପାଳିଥାନ୍ତି।
ଖାଲି ଏତିକି ନୁହେଁ, ଏହି ଦେଶରେ ମଣିଷ ଅପେକ୍ଷା ବିଲେଇ ମଧ୍ୟ ଅଧିକ ଅଛନ୍ତି।
ଲେବାନନଠାରୁ ଅଳ୍ପ ଦୂରରେ ଅବସ୍ଥିତ ସାଇପ୍ରସକୁ ବିଲେଇ ଦ୍ୱୀପ କୁହାଯାଏ। ସାଇପ୍ରସ୍ରେ ବାସ କରୁଥିବା ସମୁଦାୟ ଜନସଂଖ୍ୟା ୧୨ ଲକ୍ଷରୁ ଅଧିକ। କିନ୍ତୁ ଏଠାରେ ରହୁଥିବା ବିଲେଇଙ୍କ ସଂଖ୍ୟା ପ୍ରାୟ ୧୫ ଲକ୍ଷ ଅଟେ। ଏହି ଦେଶରେ ଘଞ୍ଚ ଜଙ୍ଗଲ ରହିଛି ସତ ମାତ୍ର ଗୋଟିଏ ହେଲେ ସାପ ନାହାନ୍ତି। ତେଣୁ ଏହି ଦେଶକୁ ବିଚିତ୍ର ଦେଶ ବି କୁହାଯାଏ
