ପୁରୀ ଅଫିସ,୨୫ା୬: ରଥଯାତ୍ରାଠାରୁ ଆରମ୍ଭକରି ବିଜେ ପର୍ଯ୍ୟନ୍ତ ସମସ୍ତ ନୀତିନିର୍ଘଣ୍ଟ ଶୁକ୍ରବାର ଶ୍ରୀମନ୍ଦିର ପ୍ରଶାସନ ପକ୍ଷରୁ ପ୍ରକାଶ ପାଇଛି। ରଥଯାତ୍ରା ଦିନ ମଙ୍ଗଳଆଳତି ସକାଳ ୬ଟା, ମଇଲମ ୬ଟା ୧୦, ତଡ଼ପ ଲାଗି ଓ ରୋଷହୋମ ୬ଟା ୩୦ରେ ସରିବ। ଅବକାଶ ନୀତି ସକାଳ ୭ଟା, ସୂର୍ଯ୍ୟପୂଜା ୭ଟା ୧୦, ଦ୍ୱାରପାଳ ପୂଜା ୭ଟା ୩୦ରେ ହୋଇ ବେଶ ଶେଷ ହେବ। ପୂର୍ବାହ୍ନ ୮ଟାରୁ ୯ଟା ମଧ୍ୟରେ ଗୋପାଳବଲ୍ଲଭ ଓ ସକାଳ ଧୂପ (ଖେଚୁଡ଼ି ଭୋଗ) ହେବ। ଏହାପରେ ରଥ ପ୍ରତିଷ୍ଠା ୯ଟା, ମଙ୍ଗଳାର୍ପଣ ୯ଟା ୧୫ରେ ସରି ୯ଟା ୩୦ ସୁଦ୍ଧା ପହଣ୍ଡି ଆରମ୍ଭ ହେବ। ମଧ୍ୟାହ୍ନ ୧୨ଟା ୩୦ ସୁଦ୍ଧା ପହଣ୍ଡି ଶେଷ କରାଯିବ। ଅପରାହ୍ନ ୨ଟା ୩୦ ସୁଦ୍ଧା ବେଶ ଶେଷ ହୋଇ ଛେରାପହଁରା ଆରମ୍ଭ ହେବ। ଛେରାପହଁରା ୩ଟା ୩୦ରେ ଶେଷ ହେବ। ଅପରାହ୍ନ ୪ଟାରେ ରଥଟଣା ଆରମ୍ଭ ହେବ।
