ଜୋହାନ୍ସବର୍ଗ,୧୯।୩: ଆଗାମୀ ଆଇପିଏଲରେ ଖେଳିବାକୁ ଥିବା ଦକ୍ଷିଣ ଆଫ୍ରିକୀୟ ଖେଳାଳିମାନେ ଟେଷ୍ଟ ସିରିଜ୍କୁ ମନା କରି ଦେଇଛନ୍ତି। ଏଥି ଯୋଗୁ ଫ୍ରାଞ୍ଚାଇଜ ବନାମ ଦେଶ ଯୁକ୍ତି ପୁଣି ଥରେ ଜୋର ଧରିଛି। ଆଇପିଏଲ୍ ପରିବର୍ତ୍ତେ ବାଂଲାଦେଶ ବିପକ୍ଷ ଟେଷ୍ଟ ସିରିଜ୍ ବାଛିବାକୁ ଖେଳାଳିଙ୍କୁ କହିଥିଲେ ଦକ୍ଷିଣ ଆଫ୍ରିକୀୟ ଟେଷ୍ଟ ଅଧିନାୟକ ଡିନ ଏଲଗାର। ଏଥିସହିତ ଆଇପିଏଲ ଚୁକ୍ତି ପ୍ରାପ୍ତ ଖେଳାଳିଙ୍କ ପାଇଁ ଲାଗି ଏହାକୁ ଲୟାଲଟି ଟେଷ୍ଟ (ବିଶ୍ୱସ୍ତତା ପରୀକ୍ଷା) ବୋଲି ସେ କହିଥିଲେ। କିନ୍ତୁ କାଗିସୋ ରବାଡା, ଏଡେନ ମାରକ୍ରାମ, ରାସି ଭାନ ଡର ଡୁସେନଙ୍କ ସହିତ ଅନ୍ୟ ଷ୍ଟାର ଖେଳାଳିମାନେ ଆଇପିଏଲକୁ ବାଛିଛନ୍ତି। ଏମାନେ ଚଳିତ ଦିନିକିଆ ସିରିଜ୍ ପରେ ଭାରତ ଗସ୍ତ କରିବେ।
