ଘୁମୁସର ବନଖଣ୍ଡରେ ବଣ୍ଟନ ହେବ ୩୫ ଲକ୍ଷ ଚାରା, ବନ୍ୟପ୍ରାଣୀଙ୍କ ଖାଦ୍ୟ ପାଇଁ ୪୦ ପ୍ରତିଶତ ଫଳନ୍ତି ଚାରା ଲାଗିବ

ଭଞ୍ଜନଗର,୧୨।୫(ବାବୁଲା ପ୍ରଧାନ)- ଗଞ୍ଜାମ ଜିଲା ଭଞ୍ଜନଗର ସ୍ଥିତ ଘୁମୁସର ଉତ୍ତର ବନଖଣ୍ଡ ରାଜ୍ୟର ଏକ ପୁରାତନ ବନଖଣ୍ଡ । ଏହି ବନଖଣ୍ଡ ୧୮୩୦ ମସିହାରେ ବ୍ରିଟିଶ ଶାସକମାନେ ସ୍ଥାପନ କରିଥିଲେ। ରାଜ୍ୟରେ ଘଞ୍ଚ ଜଙ୍ଗଲ ପାଇଁ ଏହି ବନଖଣ୍ଡ ପରିଚିତ। ଲୋକଙ୍କ ମଧ୍ୟରେ ସଚେତନତା ବୃଦ୍ଧି, ବିଭାଗୀୟ କର୍ମଚାରୀ ଏବଂ ବନ ସୁରକ୍ଷା ସମିତି କର୍ମକର୍ତ୍ତା ମଧ୍ୟରେ ଉତ୍ତମ ବୁଝାମଣା ପାଇଁ ଅନେକ ଜଙ୍ଗଲ ଓ ବନ୍ୟପ୍ରାଣୀ ସୁରକ୍ଷିତ ଅଛନ୍ତି । ଆଉ କିଛି ସ୍ଥାନରେ ସମନୟ ଅଭାବ ପାଇଁ ବନ୍ୟପ୍ରାଣୀ ଶିକାର ଓ କାଠ ଚୋରୀ ମଧ୍ଯ ହେଉଛି। ତଥାପି ଏହା ବହୁପରିମାଣରେ ପୂର୍ବ ଅପେକ୍ଷା କମିଯାଇଛି।

ଯେଉଁଥି ପାଇଁ ଏହି ବନଖଣ୍ଡରେ ବିଗତ କିଛି ବର୍ଷ ହାତୀପଲ ପଡୋଶୀ ବନଖଣ୍ଡକୁ ପ୍ରାୟ ଯାଉନାହାନ୍ତି। ହରିଣ, ବାରହା ସଂଖ୍ୟା ବହୁପରିମାଣରେ ବଢ଼ିଯାଇଛି । ଏହିଭଳି ପରିସ୍ଥିତିରେ ଉକ୍ତ ବନ୍ୟପ୍ରାଣୀଙ୍କ ପାଇଁ ଆବଶ୍ୟକ ଖାଦ୍ୟ ସଂରକ୍ଷଣ କରି ରଖିବା ଏବଂ ପାଣି ସୁବିଧା
ପାଇଁ ବନ ବିଭାଗ ପକ୍ଷରୁ ପ୍ରସ୍ତୁତି ଚାଲିଛି । ଚଳିତ ବର୍ଷ ଏହି ବନଖଣ୍ଡ ପକ୍ଷରୁ ଲୋକଙ୍କୁ ମାଗଣାରେ ୧୮ ଲକ୍ଷ ଚାରା ବଣ୍ଟନ କରିବା ଲକ୍ଷ୍ୟ ରଖାଯାଇଛି। ଏଥିସହ ଵିଭାଗ ପକ୍ଷରୁ ପଥ ପାର୍ଶ୍ୱ ବନୀକରଣ ୩୮ କିମି ଲକ୍ଷ୍ୟ ରଖାଯାଇଛି । ୭୦ ହେକ୍ଟର ଜଙ୍ଗଲରେ କେବଳ ଫଳନ୍ତି ଗଛ ଲାଗିବ। ୯୭୦ ହେକ୍ଟର ଖୋଲା ଜଙ୍ଗଲରେ ଚାରା ରୋପଣ ହେବ। ସହରାଞ୍ଚଳ ବନୀକରଣ ଯୋଜନାରେ ୨୦ ହଜାର ଚାରା ଲାଗିବ।

ଵିଭାଗ ପକ୍ଷରୁ ଯେତିକି ଚାରା ଲାଗିବ ସେଥିରେ ୪୦ ପ୍ରତିଶତ ଚାରା କେବଳ ବନ୍ୟପ୍ରାଣୀଙ୍କ ଖାଦ୍ଯ ଲକ୍ଷ୍ୟରେ ରୋପଣ କରାଯିବ। ଔଷଧୀୟ ବୃକ୍ଷ, ଫଳନ୍ତି ଗଛ ଏବଂ ଏହି ଅଞ୍ଚଳର ଜଳଵାୟୁ ସହ ଖାପ ଖୁଆଇଲା ଭଳି ଚାରା ଲାଗିବ। ଜଙ୍ଗଲରେ ଫଳନ୍ତି ଗଛ ଏବଂ ପାଣି ଅଭାବ ଯୋଗୁଁ ଅନେକ ସମୟରେ ବନ୍ୟପ୍ରାଣୀ ଗ୍ରାମ ଅଭିମୁଖେ ଚାଲି ଆସି ବିପଦରେ ପଡୁଛନ୍ତି । ଭବିଷ୍ୟତରେ ଏହାର ପୁନରାବୃତ୍ତି ଯେଭଳି ନହେବ ସେଥିପାଇଁ ଵିଭାଗ ପକ୍ଷରୁ ଫଳନ୍ତି ଗଛ ଲଗାଇବା ପାଇଁ ପଦକ୍ଷେପ ନିଆଯାଇଛି। ଏଥିସହ ଜଙ୍ଗଲ ଭିତରେ ପର୍ଯ୍ୟାପ୍ତ ପାଣି ବ୍ୟବସ୍ଥା କରାଯାଉଛି । ତେଣୁ ଚଳିତ ବର୍ଷ ଜଙ୍ଗଲରେ ଅନେକ ପୋଖରୀ ଖୋଳା ଯାଇଛି । ଚେକ୍ ଡ୍ୟାମ ମଧ୍ଯ ନିର୍ମାଣ ହୋଇଛି।

ଜୁଲାଇ ପହିଲାରୁ ବନମହୋତ୍ସବ ସପ୍ତାହ ପାଳନ ହେବ। ସେହି ସମୟରେ ଲୋକଙ୍କୁ ଚାରା ବଣ୍ଟନ ସହ ବିଭାଗ ପକ୍ଷରୁ ଜଙ୍ଗଲ ମଧ୍ୟରେ ଚାରା ରୋପଣ କରାଯିବ। ଏଥିପାଇଁ ମୁଜାଗଡ, କେନ୍ଦ୍ରୀୟ ବନାଞ୍ଚଳ, ତାରସିଂ, ଗାଲେରି ଓ ଜଗନ୍ନାଥପ୍ରସାଦ ରେଞ୍ଜର ବିଭିନ୍ନ ନର୍ସରୀରେ ଚାରା ମହଜୁଦ୍ କରି ରଖାଯାଇଛି। ଡିଏଫ୍ ଓ ହିମାଂଶୁ ଶେଖର ମହାନ୍ତି, ଏ ସି ଏଫ୍ ବିବେକ ଦାସ, ବିମଳ କୁମାର ପ୍ରଧାନ, ରେଞ୍ଜର ବିମ୍ବାଧର ସାହୁ, ପୃଥିବୀ ରାଜ ପ୍ରଧାନ, ପ୍ରଶାନ୍ତ କୁମାର ବେହେରା, ସୁଜାତା ରାଣୀ ପଣ୍ଡା ନିୟମିତ ବିଭିନ୍ନ ନର୍ସରି ପରିଦର୍ଶନ କରି ଚାରାର ସ୍ଥିତି ସମୀକ୍ଷା କରୁଛନ୍ତି। ଘୁମୁସର ଉତ୍ତର ବନଖଣ୍ଡର ଭୌଗଳିକ ପରିସୀମା ୨୩୬୦.୨୧୭ ବର୍ଗ କିଲୋମିଟର । ସେଥିମଧ୍ୟରେ ୯୪୮ ବର୍ଗ କିଲୋମିଟର ଅଞ୍ଚଳରେ ବିଭିନ୍ନ ପ୍ରକାର ଜଙ୍ଗଲ ଅଛି।

୨୦୨୫-୨୬ ଆର୍ଥିକ ବର୍ଷରେ ଫରେଷ୍ଟ ସର୍ଭେ ଅଫ ଇଣ୍ଡିଆ ପକ୍ଷରୁ ହୋଇଥିବା ସର୍ଭେ ଅନୁସାରେ ୨୨ ବର୍ଗ କିଲୋମିଟର ଜଙ୍ଗଲ ବଢ଼ିଛି । ଯାହାକି ଅଞ୍ଚଳବାସୀଙ୍କ ଖୁସିର ଖବର। ସେହିଭଳି ଘୁମୁସର ଦକ୍ଷିଣ ବନଖଣ୍ଡରେ ମଧ୍ଯ ୧୬ ଲକ୍ଷ ୬୦ ହଜାର ଚାରା ବଣ୍ଟନ ପାଇଁ ଲକ୍ଷ୍ୟ ରଖାଯାଇଥିବା ବେଳେ ୫୫୦ ହେକ୍ଟର ଜଙ୍ଗଲରେ ବିଭିନ୍ନ ଚାରା ରୋପଣ କରାଯିବ। ଡିଏଫଓ ଭିପାଶା ପାରୁଲଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏସିଏଫ୍ ପ୍ରଦୀପ କୁମାର ବେହେରା ସମେତ ବୁଗୁଡ଼ା ରେଞ୍ଜର ମାନସ ସାହୁ, ଆସିକା ରେଞ୍ଜର ପ୍ରମୋଦ କୁମାର ପଣ୍ତା, ସୋରଡ଼ା ରେଞ୍ଜର ନିହାର ରଞ୍ଜନ ମଲ୍ଲିକ, ବଡ଼ଗଡ଼ ରେଞ୍ଜର ଅଞ୍ଜନ କୁମାର ନାୟକ, ପୋଲସରା ରେଞ୍ଜର ଅନୀଲ କୁମାର ପଣ୍ତା ନିୟମିତ ବିଭିନ୍ନ ନର୍ସରି ପରିଦର୍ଶନ କରି ଚାରାର ସ୍ଥିତି ସମୀକ୍ଷା କରୁଛନ୍ତି ।

 

Dharitri – Odisha’s No.1 Odia Daily

Enter your email to get our daily news in your inbox.

All Right Reserved By Dharitri.Com

ଜଙ୍ଗଲରୁ ମିଳିଲା ହାତୀଛୁଆର ମୃତଦେହ, ଆଭ୍ୟନ୍ତରୀଣ କନ୍ଦଳରୁ…

ରିଆମାଳ,୨୦ା୧୧(ବଦ୍ରି ନାରାୟଣ ଅଗ୍ରଓ୍ବାଲ): ଦେବଗଡ଼ ଜିଲା ରିଆମାଳ ବନାଞ୍ଚଳ ରେଙ୍ଗାଳବଡ଼ା ଫରେଷ୍ଟ ସେକ୍ସନ ଅନ୍ତର୍ଗତ ଗଦଗଦା ଗ୍ରାମ ନିକଟସ୍ଥ ରମ୍ଭା ଦେବୀ ସଂରକ୍ଷିତ ଜଙ୍ଗଲରୁ ଶୁକ୍ରବାର ଏକ…

ସୁନାର ଫସଲ ଉଜୁଡି ଯିବା ଆଶଙ୍କାରେ ଚାଷୀ ଆତଙ୍କିତ, ଘାରିଛି ଋଣ ଚିନ୍ତା

ପଟ୍ଟାମୁଣ୍ଡାଇ,୨୦ା୧୧(କଳ୍ପତରୁ ନାୟକ): ସାମୁଦ୍ରିକ ଝଡ଼ ଅକ୍ୱାନ ପ୍ରଭାବରେ କେନ୍ଦ୍ରାପଡ଼ା ଜିଲାରେ ଗୁରୁବାର ବର୍ଷା ଓ ପବନ ଆରମ୍ଭ ହୋଇଛି। ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ…

ମାଣ୍ଡୁବାଡ଼ିରେ ପାଣି ପାଇଁ ଉତ୍ତେଜନା: କୂଅରେ କୁକୁର ମୃତଦେହ ଫିଙ୍ଗିଦେଲେ ଦୁର୍ବୃତ୍ତ

ଦାରିଙ୍ଗବାଡ଼ି,୨୦।୧୧(ଅରୁଣ ସାହୁ): ଗୋଟିଏ ପଟେ ବାତ୍ୟା ‘ଅକ୍ୱାନ’କୁ ନେଇ ଅଞ୍ଚଳବାସୀଙ୍କ ଚିନ୍ତା ବଢ଼ିଥିବା ବେଳେ ଅନ୍ୟପଟେ ପିଇବା ପାଣି କୂଅରେ କୁକୁରର ମୃତଦେହ ଫିଙ୍ଗିଦେବା ଘଟଣାକୁ ନେଇ…

ନିଖୋଜ ସନ୍ତୋଷଙ୍କ ମିଳିଲା ମୃତଦେହ: ଖେଳିଗଲା ଶୋକର ଛାୟା

ଗୁଡାରି,୨୦।୧୧(ପ୍ରମୋଦ କୁମାର ପତି): ଗତ ୧୮ ତାରିଖ ଅପରାହ୍ନରୁ ନିଖୋଜ ଥିବା ଗୁଡାରି ବ୍ଲକ ଅନ୍ତର୍ଗତ ଏମ କେ ରାଇ ଗ୍ରାମପଞ୍ଚାୟତର ମେରିଆପାଙ୍ଗା ଗ୍ରାମର ଯୁବକ ସନ୍ତୋଷ…

ଅକ୍ବାନ ପ୍ରଭାବରେ ଦିଗପହଣ୍ଡି ଜଳବନ୍ଦୀ, ବସ୍‌ଷ୍ଟାଣ୍ଡ ସମେତ ବିଭିନ୍ନ ସାହିରେ ପଶିଲା ନର୍ଦ୍ଦମା ପାଣି

ଦିଗପହଣ୍ଡି,୨୦।୧୧(ଅଶେଷ ନାଥ ମିଶ୍ର): ଅକ୍ୱାନ ପ୍ରଭାବରେ ଦିଗପହଣ୍ଡିରେ ତୁହାକୁ ତୁହା ବର୍ଷା ଜାରି ରହିଛି । ଲଗାଣ ବର୍ଷା ଯୋଗୁଁ ଶୁକ୍ରବାର ଦିଗପହଣ୍ଡି ସହର ଉବୁ ଟୁବୁ…

ବାବୁବନ୍ଧ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଟ୍ରକ ଧକ୍କାରେ ଜେଜେ-ନାତିଙ୍କ ମୃତ୍ୟୁ

ସମ୍ବଲପୁର,୨୦।୧୧(ପ୍ରମୋଦ ବହିଦାର): ଶୁକ୍ରବାର ସକାଳୁ ସକାଳୁ ଜାତୀୟ ରାଜପଥ(୫୩)ର ବାବୁବନ୍ଧ ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏଥିରେ ଜେଜେ ଏବଂ ତାଙ୍କର…

‘ଅର୍ଣ୍ଣବ’ ତୁଳନାରେ ‘ଅକ୍ୱାନ’ରେ ବର୍ଷା ପରିମାଣ ବହୁତ କମ: ସର୍ବାଧିକ ୬୭ ମିମି ବର୍ଷା ରେକର୍ଡ

ଦାରିଙ୍ଗବାଡ଼ି, ୨୦।୧୧ (ଅରୁଣ ସାହୁ): ବାତ୍ୟା ‘ଅକ୍ୱାନ’କୁ ମୁକାବିଲା କରିବା ପାଇଁ ଦାରିଙ୍ଗବାଡ଼ି ବ୍ଲକ ପ୍ରଶାସନ ପକ୍ଷରୁ ଜୋରଦାର ପ୍ରସ୍ତୁତି କରାଯାଇଛି। ତେବେ ଗୁରୁବାରଠାରୁ ଶୁକ୍ରବାର ସକାଳ…

ସୁରକ୍ଷିତ ପରିବେଶ ପାଇଁ କିଛି ତ୍ୟାଗ କରିବାକୁ ପଡ଼ିବ: ସିଦ୍ଧାନ୍ତ ମହାପାତ୍ର

ପରିବେଶ ସୁରକ୍ଷା ବର୍ତ୍ତମାନ ସମୟରେ ବହୁ ଜରୁରୀ। ପରିବେଶ ପରିବର୍ତ୍ତନ ପାଇଁ ବରଫ ତରଳିବାଠାରୁ ଆରମ୍ଭ କରି ବହୁ ପ୍ରାକୃତିକ ବିପର୍ଯ୍ୟୟ ସୃଷ୍ଟି ହେଉଛି। ଏଭଳି ବିପର୍ଯ୍ୟୟ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?