ପାଟଣା, ୧୨/୫ (ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ବୁଢ଼ୀକାପୁଡି ପଞ୍ଚାୟତ ନେଉଳିପଶି ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। ସୋମବାର ରାତିରେ ଶୌଚ ହେବାକୁ ଯାଇଥିବା ସମୟରେ ଅସାବଧାନତା ବଶତଃ ଜଣେ ବୃଦ୍ଧା ବାଡ଼ିରେ ଥିବା ଏକ ୪୦ ଫୁଟ୍ ଗଭୀର ପଥର କୂଅ ଭିତରକୁ ଖସି ପଡ଼ିଥିଲେ। ଅଗ୍ନିଶମ ବାହିନୀର ଦୀର୍ଘ ସମୟର ପରିଶ୍ରମ ପରେ ବୃଦ୍ଧାଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି।
ଗୁରୁତର ବୃଦ୍ଧା ଜଣକ ହେଉଛନ୍ତି ନେଉଳିପଶି ଗ୍ରାମର ଦ୍ରୌପଦୀ ମହାନ୍ତ। ରାତିରେ ସେ କୂଅରେ ଖସି ପଡ଼ିବା ପରେ ତାଙ୍କର ଚିତ୍କାର ଶୁଣି ପରିବାର ଲୋକେ ଘଟଣାସ୍ଥଳରେ ପହଞ୍ଚିଥିଲେ। ସେମାନେ ତୁରନ୍ତ ପାଟଣା ଅଗ୍ନିଶମ ବାହିନୀକୁ ଖବର ଦେଇଥିଲେ। ଖବର ପାଇ ପାଟଣା ଅଗ୍ନିଶମ ବାହିନୀ ଅଧିକାରୀ ଗୌରମୋହନ ହେମ୍ବ୍ରମଙ୍କ ନେତୃତ୍ୱରେ ଏକ ଦଳ ଘଟଣାସ୍ଥଳରେ ପହଞ୍ଚିଥିଲେ। ଏହି ଦଳରେ ସରୋଜ କୁମାର ସିଂହ, ତରୁଣ କୁମାର ନାଏକ, ଶିବ କୁମାର ବେହେରା, ବନମାଳୀ ସାମଲ ଓ ବିନାୟକ ବେହେରା ପ୍ରମୁଖ ସାମିଲ ଥିଲେ। ଅଗ୍ନିଶମ କର୍ମଚାରୀମାନେ ଦୀର୍ଘ ସମୟ ଧରି ଉଦ୍ଧାର କାର୍ଯ୍ୟ ଚଳାଇ ବୃଦ୍ଧାଙ୍କୁ ସୁରକ୍ଷିତ ଭାବେ କୂଅ ଭିତରୁ ବାହାର କରିଥିଲେ। ଉଦ୍ଧାର ପରେ ବୃଦ୍ଧାଙ୍କୁ ପ୍ରଥମେ ପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ମାତ୍ର ତାଙ୍କର ଅବସ୍ଥା ଗୁରୁତର ହେବାରୁ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ବର୍ତ୍ତମାନ ସେ ସେଠାରେ
Dharitri – Odisha’s No.1 Odia Daily
ଚିକିତ୍ସିତ ହେଉଛନ୍ତି।
