‘ଫିଲ୍ମ ପୁଷ୍ପା’କୁ ଦର୍ଶକଙ୍କ ଖୁବ୍ ପ୍ରଶଂସା ମିଳିଛି। ଫିଲ୍ମର ହିରୋ ଅଲ୍ଲୁ ଅର୍ଜୁନଙ୍କ ଡାଏଲଗକୁ ଖୁବ୍ ଭଲ ପାଇବା ମିଳିବା ସହ ସମସ୍ତେ ତାଙ୍କ ଆକ୍ସନ ଓ ଡାଏଲଗକୁ ନେଇ ନିଜ ନିଜର ଭିଡିଓ କରୁଛନ୍ତି। ବଡ଼ବଡ଼ ତାରକାଙ୍କଠାରୁ ଆରମ୍ଭ କରି କ୍ରିକେଟ୍ ଷ୍ଟାର ମଧ୍ୟ ପୁଷ୍ପାଙ୍କ ଡାଏଲଗରେ ଭିଡିଓ କରିଥିଲେ। ମାତ୍ର ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଲାଟେଷ୍ଟ ଭିଡିଓ ଦେଖି ଆପଣ ଆଶ୍ଚର୍ଯ୍ୟ ହୋଇଯିବେ । ଏଥିରେ ଏକ ନବଜାତ ଶିଶୁ ହାତରେ ପୁଷ୍ପାର ଆକ୍ସନ କରୁଥିବା ଦେଖାଯାଇଛି । ଆଇଏଏସ୍ ଅଧକାରୀ ଅବନୀଶ ଶରଣ ଏହି ଭିଡିଓକୁ ଶେୟାର କରି ଲେଖିଛନ୍ତି, ଏହା ପକ୍କା କେବେବି ନଇଁବ ନାହିଁ । ଭିଠିଓଟି ଭାଇରାଲ ହେବାରେ ଲାଗିଛି।
ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା ୨୦୨୧ ଡିସେମ୍ବର ମାସରେ ରିଲିଜ ହୋଇଥିଲା। ଏହି ଫିଲ୍ମ ଚାହିଦା ଏବେ ବି ରହିଥିବା ବେଳେ ନବଜାତକ ଶିଶୁର ଭିଡିଓ ଭାଇରାଲ ହେବାରେ ଲାଗିଛି । ଏହି ଶିଶୁର ଆଖି ମଧ୍ୟ ଖୋଲି ନାହିଁ । କିନ୍ତୁ ପିଲାଟି ପୁଷ୍ପା ଷ୍ଟାଇଲରେ ବେକ ତଳେ ହାତ ବୁଲାଉଥିବା ଭିଡିଓରେ ଦେଖାଯାଇଛି।
ये तो पक्का कभी झुकेगा नहीं.🤩 pic.twitter.com/orOnRwPpPG
— Awanish Sharan (@AwanishSharan) March 7, 2022
