ଛତ୍ରପୁର,୧୪ା୨(ଡି.ଏନ.ଏ) ଛତ୍ରପୁର ଠାରେ ପ୍ରସ୍ତାବିତ ସିନ୍ଥେଟିକ୍ ଟର୍ଫ ହକି ସେଣ୍ଟର ପାଇଁ ଚିହ୍ନଟ ଜମିରେ ଥିବା ପୁରୁଣା କୋଠା ଭଙ୍ଗିବାକୁ ଅନୁମତି ମିଳୁ ନ ଥିବାରୁ କାର୍ଯ୍ୟ ଆରମ୍ଭ ହୋଇପାରୁନି। ଚିହ୍ନଟ ଜମିରେ ଗୃହ ବିଭାଗ ଅଧିନ ଗଞ୍ଜାମ ପୋଲିସର ଏକ ପୁରୁଣା କୋଠା ରହିଛି ା ଯାହାକି ଟର୍ଫ ହକି ସେଣ୍ଟର ନିର୍ମାଣ ପାଇଁ ଏହି କୋଠା ଅବରୋଧ କରୁଛି। ତେଣୁ ତାହାକୁ ଭାଙ୍ଗିବା ଆବଶ୍ୟକ ପଡ଼ୁଛି। ଟର୍ଫ ହକି ସେଂଟର ପାଇଁ ଚିହ୍ନଟ ୩.୧ ଏକର ଜମି ଛତ୍ରପୁର ତହସିଲ ଅଧିକ ସୀତାରାମପୁର ମୌଜା ଖାତା ନଂ-୪୭୫ ରେ ରହିଛି ା ଏ ନେଇ ପୁଣି ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେକୁ ବ୍ରହ୍ମପୁର ଇଡକୋ ଡିଭିଜନାଲ ମୁଖ୍ୟ ଇଂ ଅଶୋକ କୁମାର ମିଶ୍ର ଚିଠି ଲେଖିଛନ୍ତି। ଉକ୍ତ ଜମିରେ ଥିବା ପୁରୁଣା କୋଠା ଭାଙ୍ଗିବା ପାଇଁ ସ୍ବତନ୍ତ୍ର ଅନୁମତି ଗୃହ ବିଭାଗ ରୁ ଆଣିବା ଲାଗି ଏଥିରେ ହସ୍ତକ୍ଷେପ କରିବାକୁ ଇଡକୋ ଡିଭିଜନାଲ ମୁଖ୍ୟଙ୍କ ପକ୍ଷରୁ ଉକ୍ତ ଚିଠି ଦ୍ୱାରା ଜିଲାପାଳଙ୍କୁ ଅନୁରୋଧ କରାଯାଇଛି ା ଏହି ପୁରୁଣା କୋଠା ଭଙ୍ଗା ଗଲେ ଟର୍ଫ ହକି ସେଂଟର ନିର୍ମାଣ କାମ ଆରମ୍ଭ ହେବ ଏବଂ ଏହାଦ୍ୱାରା ଓଡିଶା ସରକାରଙ୍କ କ୍ରୀଡା ବିଭାଗ ସଚିବଙ୍କ ପକ୍ଷରୁ ନିର୍ଦ୍ଧାରିତ ଡେଟ୍ଲାଇନ୍ କାର୍ଯ୍ୟକାରୀ ହୋଇପାରିବ ବୋଲି ଉକ୍ତ ଚିଠିରେ ଉଲ୍ଲେଖ କରାଯାଇଛି ା ସୂଚନା ଯୋଗ୍ୟ, ଟର୍ଫ ହକି ସେଂଟର ପ୍ରତିଷ୍ଠା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭ ଦେଇଥିଲେ ା ଏହି ଟର୍ଫ ହକି ସେଂଟର ନିର୍ମାଣ ପାଇଁ ଇଡକୋକୁ ଦାୟିତ୍ୱ ଦିଆଯାଇଛି ା ଇଡକୋ ମଧ୍ୟ ଏହାର ଟେଣ୍ଡର କରି ନିର୍ମାଣ ପାଇଁ ଠିକାଦାର ଚୟନ କରିସାରିଛି। ହକି ଟର୍ଫ ସେଂଟର ପାଇଁ ଚିହ୍ନଟ ଜମିରେ ମଧ୍ୟ କେତେକ ଗଛ ରହିଛି ା ସେଗୁଡିକୁ ମଧ୍ୟ ଗଣାଯାଇ ତାକୁ କାଟିବାକୁ ଡିଏଫଓଙ୍କ ଠାରୁ ଅନୁମତି ନେବାକୁ ପଡିବ ା
