ଯାଜପୁର ଅଫିସ,୧୩ା୨: ଚଳିତ ପଞ୍ଚାୟତ ନିର୍ବାଚନରେ ପୂର୍ବ ଅପେକ୍ଷା ଅଧିକ ଯୁବଗୋଷ୍ଠୀ, ଶିକ୍ଷିତ ଯୁବତୀଯୁବକ, ଛାତ୍ରୀଛାତ୍ର ପ୍ରତିଦ୍ୱନ୍ଦ୍ୱିତା କରୁଥିବା ଦେଖିବାକୁ ମିଳିଛି। ସେଥିମଧ୍ୟରେ ରସୁଲପୁର ବ୍ଲକ ଅନ୍ତର୍ଗତ ପ୍ରଥମାଖଣ୍ଡି ପଞ୍ଚାୟତର ଚକଗୋପାଳପୁର ଗ୍ରାମର ପଲ୍ଲବୀ ଦେଉରି (୨୧) ମଧ୍ୟ ଅନ୍ୟତମ। ସେ ଦଧିବାମନ ସଂସ୍କୃତ ମହାବିଦ୍ୟାଳୟରେ ଯୁକ୍ତ୨ ପଢ଼ୁଛନ୍ତି। ଜଣେ ରାଜ୍ୟସ୍ତରୀୟ କ୍ରୀଡାବିତ୍ ଭାବେ ପରିଚିତ ପଲ୍ଲବୀ ସମିିତି ସଭ୍ୟ ପଦବୀ ପାଇଁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ସାରା ଦେଶରେ ଚକଗୋପାଳପୁର ଗ୍ରାମର ନଁା ରହିଛି। ଏହି ଗ୍ରାମରେ ଦୌଡ଼ରାଣୀ ଦୂତି ଚାନ୍ଦ ଓ ଜାତୀୟସ୍ତରର କ୍ରୀଡାବିତ୍ ସରସ୍ବତୀ ଚାନ୍ଦଙ୍କ ଜନ୍ମ। ପଲ୍ଲବୀ ମଧ୍ୟ ଯାଜପୁର ଜିଲା ଓ ରାଜ୍ୟସ୍ତରୀୟ ଆଥଲେଟ୍ ଚାମ୍ପିୟନଶିପରେ ଅଂଶ ଗ୍ରହଣ କରି ସାରିଛନ୍ତି।
