ମ୍ରିଦୁ ଖୋସ୍ଲା। ବୟସ ୩୮। ମୁମ୍ବାଇର ରାସ୍ତାରେ ବୁଲୁଥିବା ବିଲେଇଙ୍କୁ ଉଦ୍ଧାର କରି ସେମାନଙ୍କ ଚିକିତ୍ସା କରୁଛନ୍ତି। ଏବେ ସୁଦ୍ଧା ଖୋସ୍ଲା ୧୦,୦୦୦ ବିଲେଇଙ୍କ ଚିକିତ୍ସା କରିସାରିଲେଣି। ସେ ୨୦୦୫ରେ ମୁମ୍ବାଇ ବିଶ୍ୱବିଦ୍ୟାଳୟରୁ ଡିଗ୍ରୀ ହାସଲ କରିବା ପରେ ନ୍ୟୁୟର୍କ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରୁ ଫିଲ୍ମ ମେକିଂରେ ସ୍ନାତକୋତ୍ତର ଡିଗ୍ରୀ ଶେଷ କରି ଆମେରିକାରେ ଚାକିରି କରିଥିଲେ। ୨୦୦୮ରେ ମୁମ୍ବାଇ ଫେରିବା ପରେ ସହରରେ ପ୍ରାଣୀ ନିର୍ଯାତନ ତାଙ୍କୁ ଘୋର ଦୁଃଖ ଦେଇଥିଲା ଓ ସେ ପ୍ରଥମେ ଗୋଟିଏ ବିଲେଇକୁ ଉଦ୍ଧାର କରି ପୋଷିଥିତ୍ଲେ। ଏହାର ଦୁଇବର୍ଷ ପରେ ‘ଜିକ୍ଫର’ ସଂସ୍ଥା ଗଠନ କରି ତା’ ମାଧ୍ୟମରେ ପରିତ୍ୟକ୍ତ ବିଲେଇଙ୍କୁ ଉଦ୍ଧାର କରି ଘରେ ରଖିବାରେ ଲାଗିଲେ। ୨୦୧୫ରେ ସେ ତାଙ୍କ ଭଉଣୀ ଓ ଜଣେ ସହପାଠୀଙ୍କ ସହ ମିଶି ଅର୍ଗମ ନଗରରେ କ୍ୟାଟ୍ କାଫେ ଷ୍ଟୁଡିଓ ପ୍ରତିଷ୍ଠା କରିଛନ୍ତି। ଏହି କାଫେର ଆୟ ଓ ବାହାରୁ ମିଳୁଥିବା ଆର୍ଥିକ ଅନୁଦାନରେ ବିଲେଇମାନଙ୍କ ଚିକିତ୍ସା ଖର୍ଚ୍ଚ ଭରଣା କରୁଛନ୍ତି। ସେମାନେ ୨,୦୦୦ରୁ ଊର୍ଦ୍ଧ୍ୱ ବିଲେଇଙ୍କୁ ଉଦ୍ଧାର କରି ସେମାନଙ୍କୁ ସ୍ବତନ୍ତ୍ର ଘରେ ରଖିଛନ୍ତି। ୨୦୧୭ରେ ସେମାନେ ଫିଲାଇନ ଫାଉଣ୍ଡେଶନ ଗଠନ କରି ତା’ ମାଧ୍ୟମରେ ଭେଟେରିନାରି ଡାକ୍ତରଙ୍କଠାରୁ ଆରମ୍ଭ କରି ସବୁ ପ୍ରକାର ଚିକିତ୍ସା ବ୍ୟବସ୍ଥା କରୁଛନ୍ତି। ଏବେ ସୁଦ୍ଧା ୧୦ହଜାର ବିଲେଇଙ୍କ ଚିକିତ୍ସା କରିସାରିଲେଣି।
