ଲଣ୍ଡନ: ହଲିଉଡର ପ୍ରସିଦ୍ଧ ଅଭିନେତ୍ରୀ କ୍ରିଷ୍ଟେନ ଷ୍ଟିଓ୍ବାର୍ଟ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ସେ ତାଙ୍କ ଗର୍ଲଫ୍ରେଣ୍ଡ ଡାୟଲନ ମେୟରଙ୍କୁ ବିବାହ କରିବେ। ତେବେ ଏମିତି ଘୋଷଣା କରି ନିକଟରେ ସମସ୍ତଙ୍କୁ ଚକିତ କରିଛନ୍ତି କ୍ରିଷ୍ଟେନ।
ଦୁଇ ବର୍ଷ ଧରି ଦୁହେଁ ଦୁହିଁଙ୍କୁ ଡେଟ୍ କରୁଥିଲେ। ହାୱର୍ଡ ଷ୍ଟର୍ଣ୍ଣ ଶୋ’ ସମୟରେ ଏ ନେଇ କ୍ରିଷ୍ଟେନ ଖୁଲସା କରିଛନ୍ତି । ଏଥିସହ ସେ ସମଲିଙ୍ଗି ବା ଲେସବିଆନ ବୋଲି ମଧ୍ୟ ଜଣାଇ ଦେଇଛନ୍ତି ।
ଡାଇଲନ୍ ବିବାହ ପାଇଁ ପ୍ରସ୍ତାବ ଦେଇଥିଲେ ବୋଲି କ୍ରିଷ୍ଟେନ ପ୍ରକାଶ କରିଛନ୍ତି। କ୍ରିଷ୍ଟେନ ଯାହାଙ୍କୁ ବିବାହ କରିବାକୁ ଯାଉଛନ୍ତି ସେ ଜଣେ ଅଭିନେତ୍ରୀ ଓ ଲେଖିକା । ଦୁହିଁଙ୍କ ମଧ୍ୟରେ ପ୍ରଥମେ ବନ୍ଧୁତା ପରେ ସେମାନଙ୍କ ଭିତରେ ପ୍ରେମ ହୋଇଥିଲା। ଆଉ ତାପରେ ଦୁହେଁ ବିବାହ କରି ସାରା ଜୀବନ ସାଥି ହୋଇ ରହିବା ପାଇଁ ନିଷ୍ପତି ନେଇଛନ୍ତି ।
