ନୂଆଦିଲ୍ଲୀ,୨।୧୦: ଅଗଷ୍ଟରେ ଭାରତର ୨ ନିୟୁତରୁ ଅଧିକ ହ୍ବାଟସ୍ଆପ୍ ଆକାଉଣ୍ଟକୁ ନିଷେଧ କରାଯାଇଛି। ଏନେଇ ହ୍ବାଟସ୍ଆପ୍ ପକ୍ଷରୁ ସୂଚନା ପ୍ରଦାନ କରାଯାଇଛି। ସେହିପରି ଏହି ସମୟ ମଧ୍ୟରେ ୪୨୦ଟି ଅଭିଯୋଗ ମଧ୍ୟ ମିଳିଛି। ହ୍ବାଟସ୍ଆପ୍ ରିପୋର୍ଟ ଅନୁସାରେ ଅଗଷ୍ଟରେ ୨୦ ଲକ୍ଷ ୭୦ ହଜାର ଆକାଉଣ୍ଟ ଉପରେ ଆବଶ୍ୟକ ପ୍ରତିବନ୍ଧକ ଲଗାଯାଇଛି।
ମିଳିଥିବା ୪୨୦ ଅଭିଯୋଗ ମଧ୍ୟରେ ୧୦୫ଟି ଆକାଉଣ୍ଟ ସପୋର୍ଟ ଥିବାବେଳେ ୨୨୨ଟି ବ୍ୟାନ୍ ଅପିଲ୍, ଅନ୍ୟାନ୍ୟ ସପୋର୍ଟ ୩୪ଟି, ପ୍ରଡକ୍ଟ ସପୋର୍ଟ ୪୨ଟି ଏବଂ ସୁରକ୍ଷା ସମ୍ପର୍କିତ ୧୭ଟି ଅଭିଯୋଗ ରହିଛି। ସେହିପରି ୪୧ ଟି ଅକାଉଣ୍ଟକୁ ଅକ୍ସନ କରାଯାଇଛି।
ଏହା ପୂର୍ବରୁ ଜୁନ୍ ୧୬ରୁ ଜୁଲାଇ ୩୧ ମଧ୍ୟରେ ୩ ନିୟୁତରୁ ଅଧିକ ଆକାଉଣ୍ଟକୁ ନିଷେଧ କରାଯାଇଥିଲା। ଏହା ସହିତ ୫୯୪ ଅଭିଯୋଗ ମଧ୍ୟ ମିଳିଥିଲା ବୋଲି ହ୍ବାଟସ୍ଆପ୍ ପକ୍ଷରୁ କୁହାଯାଇଛି।
ସୂଚନାଯୋଗ୍ୟ, ପ୍ରତିମାସରେ ବିଶ୍ୱସ୍ତରରେ ହ୍ବାଟସ୍ଆପ୍ ପକ୍ଷରୁ ୮ ନିୟୁତରୁ ଅଧିକ ଅକାଉଣ୍ଟକୁ ବ୍ୟାନ୍ କରାଯାଇଥାଏ। ଏହି ପ୍ଲାଟଫର୍ମର ଅପବ୍ୟବହାର ରୋକା ଯିବା ପାଇଁ ପ୍ରତିଷେଧକ ପଦକ୍ଷେପ ଅନ୍ତର୍ଗତ ଏଭଳି କରାଯାଇଥାଏ।
