ଭୁବନେଶ୍ୱର, ୧୯।୯(ବ୍ୟୁରୋ): ଚଳିତ ବର୍ଷର ରକ୍ଷାବନ୍ଧନ ଉତ୍ସବ ଉପଲକ୍ଷେ ଧରିତ୍ରୀ ପକ୍ଷରୁ ‘ଅତୁଟ ବନ୍ଧନ’ ବାର୍ତ୍ତା ପ୍ରତିଯୋଗିତା ଆୟୋଜିତ ହୋଇଥିଲା। ଏହି ପ୍ରତିଯୋଗିତାର ୭୦ଜଣ ଭାଗ୍ୟଶାଳୀ ବିଜେତାଙ୍କୁ ଶନିବାର ସ୍ଥାନୀୟ ମାଷ୍ଟର କ୍ୟାଣ୍ଟିନସ୍ଥିତ ‘ଦ ପ୍ରେସ୍ କ୍ଲବ ଓଡ଼ିଶା’ ପରିସରରେ ପୁରସ୍କୃତ କରାଯାଇଛି। କାର୍ଯ୍ୟକ୍ରମକୁ ଧରିତ୍ରୀ ଏବଂ ଓଡ଼ିଶା ପୋଷ୍ଟର ସମ୍ପାଦକ ତଥାଗତ ସତପଥୀ ଆରମ୍ଭ କରିବା ସହ ଓଡ଼ିଆ ପରମ୍ପରାରେ ରାଖୀ ପର୍ବ ସ୍ବତନ୍ତ୍ର ବାର୍ତ୍ତା ବହନ କରିଥାଏ। ଏହି ପର୍ବ ଭଉଣୀଭାଇଙ୍କ ମଧ୍ୟରେ ଥିବା ନିଆରା ଭାବକୁ ଉଦ୍ରେକ କରିଥାଏ ବୋଲି ପ୍ରକାଶ କରିଥିଲେ। ଅତୁଟ ବନ୍ଧନ ପ୍ରତିଯୋଗିତାର ପ୍ରାୟୋଜକ ଗୁପ୍ତା ଡିଷ୍ଟ୍ରିବ୍ୟୁଟର ସ୍ବତ୍ୱାଧିକାରୀ ରାଜେଶ ଗୁପ୍ତା, ସହ-ପ୍ରାୟୋଜକ ରୁଚି ମସଲା କମ୍ପାନୀର ପରିଚାଳନା ନିର୍ଦ୍ଦେଶକ ଡ. ଶରତ କୁମାର ସାହୁ, ପଣ୍ଡା ଟ୍ରାଭେଲ ମାର୍ଟର ମୁଖ୍ୟ ଶିବ ପ୍ରସାଦ ପଣ୍ଡା, ପାନାସୋନିକର ମାର୍କେଟିଂ ମ୍ୟାନେଜର ଶେଖ୍ ରଫିକ୍ ଉପସ୍ଥିତ ରହି ବିଜେତାଙ୍କୁ ପୁରସ୍କୃତ କରିଥିଲେ। ବିଜେତାଙ୍କୁ ସ୍ବର୍ଣ୍ଣ ମୁଦ୍ରା, ରୌପ୍ୟ ମୁଦ୍ରା ଏବଂ ଆକର୍ଷଣୀୟ ଉପହାର ପ୍ରଦାନ କରାଯାଇଥିଲା। କାର୍ଯ୍ୟକ୍ରମ ଶେଷରେ ଧରିତ୍ରୀ ଏବଂ ଓଡ଼ିଶା ପୋଷ୍ଟ ମୁଖ୍ୟ କାର୍ଯ୍ୟନିର୍ବାହୀ ଆଦ୍ୟାଶା ସତପଥୀ ସମସ୍ତ ପ୍ରତିଯୋଗୀ ଏବଂ ପ୍ରତିଯୋଗିତାର ସହଯୋଗୀଙ୍କୁ ଧନ୍ୟବାଦ ଜଣାଇବା ସହ ଧରିତ୍ରୀର ପାଠିକାପାଠକଙ୍କ ଅତୁଟ ବନ୍ଧନକୁ ପ୍ରଶଂସା କରିଥିଲେ।
