ପୁରୁଷୋତ୍ତମପୁର,୧୮ା୭(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ସହର ଉପକଣ୍ଠରେ ଥିବା କରୁଣା ବାର୍ରେ ଶନିବାର ରାତିରେ ୩ ଜଣ ଯୁବକ ପହଞ୍ଚତ୍ ମଦ୍ୟପାନ କରିବାକୁ କହିଥିଲେ। ମାତ୍ର ଦୋକାନ ବନ୍ଦ ସମୟ ହୋଇ ଯାଇଥିବାରୁ ମଦ୍ୟପାନ ଲାଗି ବାର୍ କର୍ମଚାରୀ ମନା କରିଦେଇଥିଲେ। ଏହାକୁ ନେଇ ଉତ୍ତ୍ୟକ୍ତ ଯୁବକମାନେ କର୍ମଚାରୀମାନଙ୍କୁ ଆକ୍ରମଣ କରିବା ସହ କାତି, ପିସ୍ତଲ ଦେଖାଇ ଆତଙ୍କରାଜ ସୃଷ୍ଟି କରିଥିଲେ। ଖବରପାଇ ପୁରୁଷୋତ୍ତମପୁର ପୋଲିସ ଘଟଣାସ୍ଥଳରେ ପହଞ୍ଚତ୍ବା ବେଳକୁ ସେମାନେ ସେଠାରୁ ଚମ୍ପଟ୍ ମାରିଥିଲେ। ମାତ୍ର ପୋଲିସ ସେମାନଙ୍କ ପିଛା କରି କବିସୂର୍ଯ୍ୟନଗର ଯିବା ରାସ୍ତାରୁ ଗିରଫ କରିଥିଲେ। ସେମାନେ ହେଲେ କବିସୂର୍ଯ୍ୟନଗର ମେଡିକାଲ ସାହିର ନିରଞ୍ଜନ ବିଷୋଇ(୩୨), ଆଠଗଡ଼ ପାଟଣାର ବିଶ୍ବଜିତ୍ ପାଇକରାୟ(୩୨) ଓ ନନ୍ଦିଆଗଡାର ମୁକେଶ ସାହୁ(୩୨)। ଏମାନଙ୍କ ନିକଟରୁ ଗୋଟିଏ ପିସ୍ତଲ, କାତି ଓ ୪୫ ହଜାର ଟଙ୍କା ଜବତ କରାଯାଇଛି। ଏ ନେଇ ଥାନାରେ କେସ୍ ନଂ. ୩୧୪/୨୧ ମାମଲା ରୁଜୁ ହୋଇ କୋର୍ଟଚାଲାଣ କରାଯାଇଛି।
