ଚେନ୍ନାଇ, ୭ା୪ : ବିଶ୍ୱର ସବୁଠୁ ବିତ୍ତଶାଳୀ କ୍ରିକେଟ ଲିଗ୍ ଆଇପିଏଲର ୧୪ତମ ସଂସ୍କରଣ ଶୁକ୍ରବାର ଠାରୁ ଆରମ୍ଭ ହେବାକୁ ଯାଉଛି। ଏଥି ପୂର୍ବରୁ ଆରମ୍ଭ ହୋଇଯାଇଛି କେଉଁ ଦଳ ଚାମ୍ପିୟନ ହେବ, ତା’ର କଳ୍ପନାଜଳ୍ପନା। ଏଥିରେ ସାମିଲ ହୋଇଛନ୍ତି ପୂର୍ବତନ ଇଂଲଣ୍ଡ ଅଧିନାୟକ ମାଇକେଲ ଭନ।
ତାଙ୍କ ମତରେ ମୁମ୍ବାଇ ଇଣ୍ଡିଆନ୍ସ ପୁଣି ଥରେ ଆଇପିଏଲ ଟ୍ରଫି ହାତେଇବ। ତେବେ ଆଇପିଏଲ ଆରମ୍ଭ ହେବା ପୂର୍ବରୁ ଏହା କହିବା ଠିକ୍ ହେବ ନାହିଁ। ଯଦି ରୋହିତ ଶର୍ମାଙ୍କ ନେତୃତ୍ୱାଧୀନ ଦଳ ଭଲ ପ୍ରଦର୍ଶନ କରିବାରେ ବିଫଳ ହୁଏ, ତେବେ ସନରାଇଜର୍ସ ହାଇଦ୍ରାବାଦ୍ ସମ୍ଭବତଃ ଆଇପିଏଲ ଜିତିବ ବୋଲି ଭନ ଟୁଇଟ୍ କରିଛନ୍ତି। ଗତ ମାସରେ ଏହି କ୍ରିକେଟର କହିଥିଲେ, ଟିମ୍ ଇଣ୍ଡିଆ ଅପେକ୍ଷା ମୁମ୍ବାଇ ଇଣ୍ଡିଆନ୍ସ ବେଶ୍ ଶକ୍ତିଶାଳୀ ଦଳ।
