ମହାମାରୀ କରୋନା ସମଗ୍ର ବିଶ୍ୱରେ ବ୍ୟାପିବା ପରଠାରୁ ଅନେକ ଦେଶ ଏହାର ଟିକା ବାହାର କରିବାରେ ଲାଗିପଡ଼ିଛନ୍ତି। ଅନେକ ଦେଶ ଟିକା ବାହାର କରି ଲୋକଙ୍କ ଉପରେ ପ୍ରୟୋଗ ମଧ୍ୟ କରିସାରିଲାଣି। ବର୍ତ୍ତମାନ ଏକ ଅଧ୍ୟୟନରୁ ଜଣାପଡ଼ିଛି ଯେ, ନବଜାତକର ଗର୍ଭନାଳରେ ଏପରି ଏକ ଅଂଶ ରହିଛି ତାହା ଗୁରୁତର କରୋନା ରୋଗୀଙ୍କୁ ମୃତ୍ୟୁ ମୁଖକୁ ବଞ୍ଚାଇ ପାରିବ। କରୋନାରେ ଆକ୍ରାନ୍ତ ଗୁରୁତର ରୋଗୀଙ୍କୁ ନେଇ ଏହି ପରୀକ୍ଷା ହୋଇଥିଲା, ଯାହାର ଫଳାପଳ ସକାରାତ୍ମକ ରହିଛି।
ମିୟାମି ବିଶ୍ୱବିଦ୍ୟାଳୟର ବୈଜ୍ଞାନିକମାନେ ନବଜାତକଙ୍କ ଗର୍ଭନାଳରେ ଥିବା ଷ୍ଟେମ ସେଲ ଦ୍ୱାରା କରୋନା ରୋଗୀଙ୍କ ଚିକିତ୍କା କରିଥିଲେ। ଏହା ଦ୍ୱାରା ସମସ୍ତ କରୋନା ରୋଗୀ ସୁସ୍ଥ ହୋଇଥିବା ବେଳେ କେବଳ ମାତ୍ର ଜଣଙ୍କର ମୃତ୍ୟୁ ଘଟିଥିଲା। ଏହି ପରୀକ୍ଷା ୮୫ ବର୍ଷରୁ ଊର୍ଦ୍ଧ୍ୱ ବୟଷ୍କଙ୍କୁ ନେଇ କରାଯାଇଥିଲା। ନବଜାତକଙ୍କ ଗର୍ଭନାଳରେ ଥିବା ଷ୍ଟେମ ସେଲ କରୋନା ଭାଇରସକୁ ମାରିଦେଉଥିବା ଏହି ପରୀକ୍ଷାରୁ ସ୍ପଷ୍ଟ ହୋଇଛି। ଗାଟିଏ ଗର୍ଭନାଳରେ ଥିବା ଷ୍ଟେମ ସେଲ୍ସ ୧୦ ହଜାର କରୋନା ରୋଗୀଙ୍କୁ ସୁସ୍ଥ କରିବ ବୋଲି କୁହାଯାଉଛି।
ମିୟାମି ବିଶ୍ୱବିଦ୍ୟାଳୟ ବରିଷ୍ଠ ପ୍ରଫେସର କାମିଲୋ ରିକୋର୍ଡି କହିଛନ୍ତି ଯେ, ଏହି ପଦ୍ଧତି କରୋନା ରୋଗୀଙ୍କୁ ଭଲ କରିଦେଉଛି।
