ବରଗଡ଼,୨୬।୫(ପ୍ରେମାନନ୍ଦ ଖମାରୀ): ବରଗଡ଼ ଲୋକସଭା ସାଂସଦ (MP) ପ୍ରଦୀପ କୁମାର ପୁରୋହିତ ସୋମବାର ବରଗଡ଼ ଜିଲାର ବରଗଡ଼ ଓ ପଦ୍ମପୁର ଉପଖଣ୍ଡ ପାଇଁ ତାଙ୍କ ପ୍ରତିନିଧି (NOMINEE) ଘୋଷଣା କରିଛନ୍ତି । ବରଗଡ ଉପଖଣ୍ଡ ପାଇଁ ଆଇନଜୀବୀ ଲିପସିତ୍ ମିଶ୍ର ଏବଂ ପଦ୍ମପୁର ଉପଖଣ୍ଡ ପାଇଁ ପୂର୍ବତନ ନଗରପାଳ ପ୍ରୀତମ ମେହେରଙ୍କୁ ସେ ନିଜର ପ୍ରତିନିଧିଭାବେ ମନୋନିତ କରି ବରଗଡ ଜିଲାପାଳ ଆଦିତ୍ୟ ଗୋୟଲଙ୍କୁ ଅବଗତ କରିଛନ୍ତି ।
ଏଠାରେ ଉଲ୍ଲେଖଯୋଗ୍ଯ, ଲିପସିତ୍ ମିଶ୍ର ପୂର୍ବରୁ ମଧ୍ଯ ପୂର୍ବତନ ସାଂସଦ ତଥା ବର୍ତ୍ତମାନର ରାଜସ୍ବ ମନ୍ତ୍ରୀ ସୁରେଶ ପୂଜାରୀଙ୍କ ବରଗଡ ପୌର ପରିଷଦ ପ୍ରତିନିଧି ଭାବରେ ଦାୟିତ୍ବ ନିର୍ବାହ କରିଥିଲେ। ତେବେ ସେ ପୁନର୍ବାର MP NOMINEE ମନୋନୀତ ହେବା ପରେ ବରଗଡ଼ ଲୋକସଭା ସାଂସଦଙ୍କୁ କୃତଜ୍ଞତା ଜ୍ଞାପନ କରିଛନ୍ତି। ଆଗାମୀ ଦିନରେ ସରକାରଙ୍କ ସମସ୍ତ ଜନ ହିତକର କାର୍ଯ୍ଯର ସୁଫଳ ଲୋକଙ୍କ ପାଖକୁ ପହଞ୍ଚାଇବାରେ ଯତ୍ନବାନ ହେବା ଏବଂ ସାଂସଦଙ୍କ ଆଞ୍ଚଳିକ ଉନ୍ନୟନ ପାଣ୍ଠିର ସୁବିନିଯୋଗ ଉପରେ ଅଧିକ ଗୁରୁତ୍ବ ପ୍ରଦାନ କରାଯିବ ବୋଲି ଲିପସିତ୍ କହିଛନ୍ତି।। ଜନସାଧାରଣଙ୍କ ସମସ୍ତ ଛୋଟବଡ ସମସ୍ୟା ଗୁଡିକୁ ସାଂସଦଙ୍କ ଦୃଷ୍ଟିକୁ ଆଣି ପ୍ରଶାସନ ସହିତ ସମନ୍ବୟ ରକ୍ଷା କରି ତାର ସମାଧାନ କରିବାକୁ ପ୍ରାଧାନ୍ୟ ଦିଆଯିବ ବୋଲି ଉଭୟେ ପ୍ରକାଶ କରିଛନ୍ତି। MP NOMINEE ନିଯୁକ୍ତ ହେବା ପରେ ଲିପସିତ୍ ଏବଂ ପ୍ରୀତମ ମଙ୍ଗଳବାର ଜିଲାପାଳ ଗୋୟଲଙ୍କୁ ଭେଟିଥିଲେ।
