ଦେବଗଡ଼, ୨୭।୫(ଶଶାଙ୍କ ଶେଖର ଝାଙ୍କର): ଓଡ଼ିଶା ଲୋକସେବା ଆୟୋଗ ଦ୍ୱାରା ପରିଚାଳିତ ଓସିଏସ ପରୀକ୍ଷାଫଳ ମଙ୍ଗଳବାର ପ୍ରକାଶ ପାଇଛି । ଦେବଗଡ ସହରର ପିୟୁଷ ସାହୁ ୪୦ ନମ୍ବର ସ୍ଥାନରେ ରହି ସଫଳତା ହାସଲ କରିଛନ୍ତି । ଏମଏସସି ସାରିବା ପରେ ସେ ଓଡ଼ିଶା ପ୍ରଶାସନିକ ସେବାରେ କାମ କରିବାର ଲକ୍ଷ୍ୟ ରଖିଥିଲେ । ପ୍ରଥମଥର ପରୀକ୍ଷାରେ ସେ କୃତକାର୍ଯ୍ୟ ହୋଇନଥିଲେ ମଧ୍ୟ ଧର୍ଯ୍ୟ ହରା ନହୋଇ ପ୍ରସ୍ତୁତି ଜାରି ରଖିଥିଲେ । ଦ୍ୱିତୀୟ ଥର ପ୍ରଚେଷ୍ଟାରେ ତାଙ୍କୁ ସଫଳତା ମିଳିଛି । ତାଙ୍କ ର଼୍ୟାଙ୍କ ଅନୁଯାୟୀ ଓଡ଼ିଶା ପ୍ରଶାସନିକ ସେବାରେ କାମ କରିବାର ସୁଯୋଗ ମିଳିନପାରେ କିନ୍ତୁ ଆଗକୁ ମଧ୍ୟ ଚେଷ୍ଟା ଜାରି ରହିବ ବୋଲି ସେ କହିଛନ୍ତି। ତାଙ୍କ ସଫଳତା ପଛରେ ଭଗବାନଙ୍କ ଆଶୀର୍ବାଦ, ପରିବାର ଲୋକଙ୍କ ଭଲପାଇବା ଏବଂ ଶିକ୍ଷକ ମାନଙ୍କର ସହଯୋଗ ରହିଥିବା ସେ ପ୍ରକାଶ କରିଛନ୍ତି ।
