ଗଞ୍ଜାମ,୨୫।୯(ଡି.ଏନ୍.ଏ.): ଗଞ୍ଜାମ ସହରରୁ ବର୍ତ୍ତମାନ ସୁଦ୍ଧା ମହାମାରୀ କରୋନା ହଟିନି। ଦୈନିକ ସହରର କେଉଁ ୱାର୍ଡରୁ ନା କେଉଁ ୱାର୍ଡରୁ ଗୋଟିଏ କିମ୍ବା ଦୁଇଟି ଆକ୍ରାନ୍ତ ବ୍ୟକ୍ତି ଚିହ୍ନଟ ହେଉଛନ୍ତି । ଏଥିପାଇଁ ପ୍ରଶାସନ ସହରବାସୀଙ୍କ ପାଇଁ ସଚେତନତା ଜାରି ରଖିଛି । କରୋନା ହଟିବ ସହର ବଞ୍ଚିବାକୁ ହେଲେ କୋଭିଡ ନିୟମ ମାନିବାକୁ ପଡିବ ବୋଲି ପ୍ରଶାସନ ପକ୍ଷରୁ ପ୍ରଚାର କରାଯାଇଥିଲା। ଶୁକ୍ରବାର ସାନ ବଜାର ବଣିକ ସଙ୍ଘ ତରଫରୁ ସମସ୍ତ ଦୋକାନୀ କୋଭିଡ୍ ନିୟମ ମାନିବାକୁ ଶପଥ ନେଇଛନ୍ତି।ଏଥିରେ ବଣିକ ସଙ୍ଘ ଉପଦେଷ୍ଟା ସୁଧୀର କୁମାର ପାଢ଼ୀ, ସନ୍ତୋଷ ଦାସ, ନୀଳାଞ୍ଚଳ ଗୌଡ଼, ରାମକୃଷ୍ଣ ପଣ୍ଡା, ସନ୍ତୋଷ ଗୌଡ଼, ଟୁନା ସାହୁ ପ୍ରମୁଖ ଉପସ୍ଥିତ ଥିଲେ।
