ନୂଆଦିଲ୍ଲୀ,୪।୯: ପୂର୍ବତନ କଂଗ୍ରେସ ନେତା ସଜ୍ଜନ କୁମାରଙ୍କୁ ୧୯୮୪ ଶିଖ୍ ବିରୋଧୀ ଦଙ୍ଗା ମାମଲାରେ ସୁପ୍ରିମକୋର୍ଟ ଜାମିନ ଦେବାକୁ ମନା କରି ଦେଇଛନ୍ତି। ସୁପ୍ରିମକୋର୍ଟର ମୁଖ୍ୟ ବିଚାରପତି ଶରଦ ଅରବିନ୍ଦ ବୋବଡେଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ସଜ୍ଜନଙ୍କ ନାମିନ ଆବେଦନକୁ ଶୁକ୍ରବାର ଖାରଜ କରି ଦେଇଛନ୍ତି। ସୁପ୍ରିମକୋର୍ଟର ଫିଜିକାଲ ଶୁଣାଣି କରାଗଲା ପରେ ଯାଇ ଏହି ମାମଲାର ଶୁଣାଣି କରାଯିବ ବୋଲି କୋର୍ଟ କହିଛନ୍ତି। ସ୍ବାସ୍ଥ୍ୟଗତ କାରଣ ଦର୍ଶାଇ ସଜ୍ଜନ କୁମାର ଜାମିନ ଆବେଦନ କରିଥିବା ବେଳେ କୋର୍ଟ କହିଛନ୍ତି ତାଙ୍କର ସେମିତି କିଛି ସ୍ବାସ୍ଥ୍ୟ ସମସ୍ୟା ନାହିଁ। ଯେଉଁଥିପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି ହେବା ଦରକାର ପଡିବ। ସୂଚନାଯୋଗ୍ୟ, ୧୯୮୪ ଶିଖ୍ ବିରୋଧୀ ଦଙ୍ଗା ମାମଲାରେ ଦୋଷୀ ସାବ୍ୟସ୍ତ ହୋଇଥିବା ସଜ୍ଜନ କୁମାର ଆଜୀବନ କାରାଦଣ୍ଡ ଭୋଗ କରୁଥିବା ବେଳେ ତାଙ୍କ ଓକିଲ ବିକାଶ ସିଂ କହିଥିଲେ ଗତ ପ୍ରାୟ ୨୦ ମାସ ହେବ ସଜ୍ଜନ (୭୪)ଜେଲରେ ରହିଛନ୍ତି। ତାଙ୍କ ଶରୀରର ଓଜନ ପାଖାପାଖି ୮-୧୦ କିଲୋ କମ୍ ହୋଇଯାଇଛି। ତେଣୁ ଏବେ ତାଙ୍କ ଚିକିତ୍ସା ଜରୁରୀ। ଏସବୁ ପରେ କିନ୍ତୁ କୋର୍ଟ ସଜ୍ଜନଙ୍କ ଜାମିନା ଆବେଦନକୁ ଖାରଜ କରିଦେଇଛନ୍ତି।
