ଛତ୍ରପୁର,୨୩।୭(ଡି.ଏନ୍.ଏ.): ଗଞ୍ଜାମ ଜିଲାରେ ସପ୍ତାହକ ମଧ୍ୟରେ ୨୦୩୫ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏଥି ମଧ୍ୟରେ ଜିଲାରେ ଆଜିର ୫୪୦ ପଜିଟିଭ୍ ରହିଛନ୍ତି। ଯାହା ଏଯାବତ୍ ଦିନକରେ ସର୍ବାଧିକ ବୋଲି ଜଣାପଡ଼ିଛି। ଅପରପକ୍ଷରେ ଗଞ୍ଜାମ ଜିଲାରେ ଘରକୁ ଘର ଯାଇ ଡାକ୍ତରୀ ଟିମ୍ ପ୍ରତି ପରିବାର ସଦସ୍ୟଙ୍କ ସ୍ବାସ୍ଥ୍ୟ ସ୍କ୍ରିନିଂ କରାଉଛନ୍ତି। ଲକ୍ଷଣ ଥିବା ବ୍ୟକ୍ତିଙ୍କର କୋଭିଡ ଟେଷ୍ଟ ପରେ ପଜିଟିଭ ବାହାରୁଛି। ଏଥିପାଇଁ ଗତ ୩ ଦିନ ହେଲା ପଜିଟିଭ୍ ସଂଖ୍ୟା ଅଧିକ ରହୁଥିବା ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ଗୁରୁବାର ଟୁଇଟ କରି ଜଣାଇଛନ୍ତି। ଜୀବନ ରକ୍ଷା ପାଇଁ ଏହି ଆଗୁଆ ପଦକ୍ଷେପ ନିଆଯାଇଛି ଏବଂ ଏଥିପାଇଁ କୌଣସି ଭୟ କରିବାର ନାହିଁ । କୋଭିଡ କେୟାର ସେଣ୍ଟର ଓ କୋଭିଡ କେୟାର ହୋମ୍ରେ ପର୍ଯ୍ୟାପ୍ତ ସଂଖ୍ୟାରେ ବେଡ଼ ରହିଛି। କେହି ଲକ୍ଷଣ ଲୁଚାନ୍ତୁନି ଏବଂ ଟିମକୁ ସହଯୋଗ କରିବାକୁ ଜିଲାପାଳ ଅନୁରୋଧ କରିଛନ୍ତି।
