ସାଧାରଣତଃ ବିବାହ ସମୟରେ ଦାମ୍ପତ୍ୟ ଜୀବନ ସୁଖମୟ ହେବା ପାଇଁ ଜାତକ ମିଳା ଯାଇଥାଏ। କିଛି ରାଶି ଅଛି, ଜଣେ ଜଣଙ୍କ ପ୍ରତି ବେଶ୍ ଆକର୍ଷିତ ହୋଇଥାନ୍ତି। ଆଉ କିଛି ରାଶିରେ ବିବାହ ଯୋଗ ଆଦୌ ଭଲ ନୁହେଁ। କାରଣ ରାଶି ମେଳ ନ ଖାଇବାରୁ ଦାମ୍ପତ୍ୟ ଜୀବନରେ ଝଡ଼ ଆସେ। ଏପରିକି ଏହି ଝଡ଼ ବିଚ୍ଛେଦର ରୂପ ନିଏ। ତେଣୁ ବିବାହ ସମୟରେ ଜାତକ ମେଳ କରି ବିବାହ କରିବା ସୁଖୀ ଦାମ୍ପତ୍ୟ ଜୀବନର ମୂଳମନ୍ତ୍ର ହୋଇଥାଏ। ଜ୍ୟୋତିଷଶାସ୍ତ୍ର ମତରେ ରାଶି ମେଳକ ନ ଖାଇଲେ ବିବାହ କରିବା ଅନୁଚିତ। ତେବେ ଜାଣନ୍ତୁ କେଉଁ ଦୁଇ ରାଶିର ଦମ୍ପତିଙ୍କ ମଧ୍ୟରେ ଆଦୌ ପଡ଼ି ନ ଥାଏ।
ମକର ଏବଂ ମେଷ: ମକର ରାଶିର ଲୋକେ ଭଲ ସ୍ବଭାବ ଏବଂ ଚିନ୍ତାଧାରାର ହୋଇଥାନ୍ତି। ଏହି ରାଶିର ଲୋକମାନେ ସର୍ବଦା ସ୍ବାଭିମାନ ସହ ଜୀବନ ଜିଇଁବା ପାଇଁ ପସନ୍ଦ କରିଥାନ୍ତି। ମକର ରାଶିରେ ଲୋକମାନେ ମେଷ ରାଶି ଲୋକଙ୍କୁ ନିୟନ୍ତ୍ରଣରେ ରଖିବା ପାଇଁ ଚାହିଁଥାନ୍ତି। ଏଥିପାଇଁ ମେଷ ରାଶି ବ୍ୟକ୍ତିବିଶେଷଙ୍କ ଉପରେ ଅଶାନ୍ତି ହୋଇଥାନ୍ତି। ସେହିଭଳି, ମକର ରାଶିର ଲୋକମାନଙ୍କ ଘରଠାରୁ ଅଫିସ ପର୍ଯ୍ୟନ୍ତ ମନ୍ଥର କାର୍ଯ୍ୟ ହେତୁ ମେଷ ରାଶିର ଲୋକମାନଙ୍କ ସହ ତାଳମେଳ ରହେ ନାହିଁ। ଫଳରେ ମତଭେଦ ଦେଖାଦିଏ।
ମୀନ ଏବଂ ମିଥୁନ: ମୀନ ରାଶିର ବ୍ୟକ୍ତିଙ୍କ ସ୍ବଭାବ ବେଶ୍ କଳାତ୍ମକ ଏବଂ ସହଜ। ସେମାନେ ମିଥୁନ ରାଶିକୁ ବୁଝିବାରେ ବହୁତ ଅସୁବିଧା ହୋଇଥାଏ। କାରଣ ମିଥୁନ ରାଶିର ଲୋକମାନେ ସବୁବେଳେ ଦ୍ୱନ୍ଦ୍ୱରେ ରହିଥାନ୍ତି। ଏଥିପାଇଁ ମୀନ ରାଶି ସହିତ ଆଦୌ ପଡ଼େ ନାହିଁ। ଏହି ଦୁଇ ରାଶିଙ୍କ ମଧ୍ୟରେ ବିବାହ ଅଶୁଭ ବିବେଚନା କରାଯାଇଥାଏ।
ସେହିପରି ମେଷ-କର୍କଟ, ବୃଷ-ସିଂହ, ମିଥୁନ-କନ୍ୟା, କର୍କଟ-ତୁଳା,ଧନୁ-ମୀନ, କନ୍ୟା-ଧନୁ, ସିଂହ-ବୃଷ,ତୁଳା-ମକର ରାଶିଙ୍କ ସହ ବିବାହ କଲେ ଦାମ୍ପତ୍ୟ ଜୀବନ ସୁଖମୟ ହୋଇ ନ ଥାଏ ବୋଲି ଜ୍ୟୋତିର୍ବିଦମାନେ ଗଣନା କରି କହିଥାନ୍ତି।
