ଛତ୍ରପୁର, ୪।୫(ଡି.ଏନ୍.ଏ.): କେରଳରୁ ଏର୍ଣ୍ଣାକୁଲମ ଜଙ୍କସନ-ଖୋର୍ଦ୍ଧା ରୋଡ ସ୍ପେଶାଲ ଟ୍ରେନ ସୋମବାର ସକାଳେ ଗଞ୍ଜାମ ଜିଲା ଜଗନ୍ନାଥପୁର ଜଙ୍କସନ୍ ଷ୍ଟେଶନରେ ପହଞ୍ଚିଛି। ଏଥିରେ ଗଞ୍ଜାମ ଜଲାର ୬୦୬ ପ୍ରବାସୀ ଓଡ଼ିଆ ରହିଛନ୍ତି। ସମସ୍ତଙ୍କୁ ସୁରକ୍ଷିତ ଭାବେ ଓହ୍ଲାଇବା ପରେ ସ୍କ୍ରିନିଂ କରାଯାଇ ୧୯ଟି ବସ୍ ଯୋଗେ ନିଜ ନିଜ ବ୍ଲକକୁ ପଠାଇ ଦିଆଯାଇଥିଲା। ସେଠାରେ ଥିବା କ୍ୱାରାଣ୍ଟାଇନ ସେଣ୍ଟରରେ ସେମାନଙ୍କୁ ରଖାଯାଇଛି। ଷ୍ଟେଶନରେ ମେଡିକାଲ ଟିମ୍, ପୋଲିସ କର୍ମଚାରୀ, ପ୍ରଶାସନିକ ଅଧିକାରୀ ଓ କର୍ମଚାରୀ ଏବଂ ବ୍ରହ୍ମପୁର, ଛତ୍ରପୁର ଆରପିଏଫ୍ ଅଧିକାରୀ ଓ ଷ୍ଟାଫ୍ ଉପସ୍ଥିତ ରହି ସହଯୋଗ କରିଥିଲେ।
ପ୍ରକାଶ ଯେ, ରବିବାର ମଧ୍ୟ କେରଳର ଏର୍ଣ୍ଣାକୁଲମରୁ ଏକ ଟ୍ରେନ ଆସି ଜଗନ୍ନାଥପୁର ଜଙ୍କସନ୍ରେ ପହଞ୍ଚିଥିଲା। ସେଥିରେ ୬ଟି ଜ଼ିଲାର ୫୫୨ ଜଣ ଜଗନ୍ନାଥପୁର ଷ୍ଟେଶନରେ ଓହ୍ଲାଇଥିଲେ।
