ଆର.ଉଦୟଗିରି,୨୬ା୪(ଡି.ଏନ.ଏ.)- ଆର୍.ଉଦୟଗିରି ଥାନା ଖମାରିସାହି ଗ୍ରାମରେ ଭଲିଖେଳକୁ ନେଇ ଶନିବାର ଗୋଷ୍ଠୀ ସଂଘର୍ଷ ଘଟିଛି। ଏଥିରେ ୨୧ଜଣ ଆହତ ହୋଇଥିବାବେଳେ ସେମାନଙ୍କୁ ଚନ୍ଦ୍ରଗିରି, ଆର.ଉଦୟଗିରି ମେଡିକାଲରେ ଭର୍ତ୍ତି କରାଯାଇଛି। ଗ୍ରାମର ଏକ ଜମିରେ ଗୁରୁବାର ସଂଖ୍ୟାଲଘୁ ସମ୍ପ୍ରଦାୟ ସାହିର କେତେଜଣ ପିଲା ଭଲି ଖେଳୁଥିବାବେଳେ ଲକ୍ଡାଉନ ଯୋଗୁ ନ ଖେଳିବାକୁ ଅନ୍ୟଏକ ଗୋଷ୍ଠୀର ଲୋକେ କହିଥିଲେ। ମାତ୍ର ସେମାନେ ମାନି ନ ଥିଲେ। ଶନିବାର ସକାଳୁ ନେଟ୍ କଟାଯାଇଥିବାରୁ ଉଭୟ ଗୋଷ୍ଠୀ ମଧ୍ୟରେ ବଚସା ଓ ପରେ ପଥର ଫିଙ୍ଗା ସହ ସଂଘର୍ଷ ଘଟିଥିଲା। ପରିସ୍ଥିତି ଉତ୍ତେଜନା ଥିବାରୁ ଗ୍ରାମରେ ପୋଲିସ ମୁତୟନ କରାଯାଇଛି। ୧୫ରୁ ଊର୍ଦ୍ଧ୍ୱ ବ୍ୟକ୍ତିଙ୍କୁ ପୋଲିସ ଉଠାଇ ନେଇ ଥାନାରେ ଅଟକ ରଖିଛି। ଏସ୍ଡିପିଓ ଅଶୋକ କୁମାର ମହାନ୍ତି, ସ୍ଥାନୀୟ ସରପଞ୍ଚ ଓ ଉଭୟ ଗୋଷ୍ଠୀର ବୁଦ୍ଧିଜୀବୀ ପହଞ୍ଚତ୍ ଆଲୋଚନା ଚାଲିଛି। ଉଭୟ ପକ୍ଷର ଅଭିଯୋଗକ୍ରମେ ନଂ.୩୨ ଓ ୩୩/୨୦ରେ ଦୁଇଟି ମାମଲା ରୁଜୁକରାଯାଇ ୧୧ ଜଣଙ୍କୁ କୋର୍ଟ ଗିରଫ କରାଯାଇଥିବା ଥାନା ସୂତ୍ରରୁ ପ୍ରକାଶ।
