ହନୋଇ: ସମଗ୍ର ବିଶ୍ୱରେ କରୋନା ଭାଇରସ୍ ଆତଙ୍କ ସୃଷ୍ଟି କରିଚାଲିଛି। ଏହି ପରିସ୍ଥିତିରେ ଜଣେ ବ୍ୟକ୍ତି ଏହି ଭାଇରସ୍କୁ ଖାଇବା ପାଇଁ ପରାମର୍ଶ ଦେଇଛନ୍ତି। ଶୁଣି ଡରିଗଲେ କି? ଡରିବାର କିଛି ନାହିଁ। ସତରେ ଭାଇରସ୍କୁ ଖାଇବେ ନାହିଁ। କରୋନା ନାମରେ ଏକ ବର୍ଗର ତିଆରି ହୋଇଛି। ତାହା ଖାଇବା ପାଇଁ ଏହି ବ୍ୟକ୍ତିଜଣକ ପରାମର୍ଶ ଦେଇଛନ୍ତି। ଭିଏତନାମାର ରାଜଧାନୀ ହନୋଇର ଶେଫ୍ ହୋଙ୍ଗ୍ ତୁଙ୍ଗ୍ ଏକ ବର୍ଗର ତିଆରି କରିଛନ୍ତି। ଯାହାର ନାମ ସେ କରୋନା ରଖିଛନ୍ତି। ସବୁଜ ରଙ୍ଗର ଏହି ବର୍ଗରକୁ ଲୋକେ ବହୁ ପସନ୍ଦ କରୁଛନ୍ତି। ତୁଙ୍ଗ୍ କୁହନ୍ତି, ଯଦି ଆପଣକୁ କୌଣସି ଜିନିଷ ହଇରାଣ କରୁଛି ତେବେ ତାକୁ ଖାଇଯାଅ। ଏଥିପାଇଁ ସେ କରୋନା ଭାଇରସ୍ ନାମରେ ସବୁଜ ପନିପରିବାରେ ଭର୍ତ୍ତି ବର୍ଗର ବିକୁଛନ୍ତି। ଏହା ଲୋକଙ୍କ ମନୋବଳ ବଢ଼ାଉଛି। ଏହି ବର୍ଗର ଦେଖିବାକୁ ଅବିକଳ କରୋନା ଭାଇରସ୍ ପରି। ଏହା ଅଟାରେ ପ୍ରସ୍ତୁତ ହୋଇଥିବା ବେଳେ ଏଥିରେ ଛୋଟ ଛୋଟ ଆକାର ବିଭିନ୍ନ ପନିପରିବା କଟାଯାଇ ଭର୍ତ୍ତି କରାଯାଇଛି।
ତୁଙ୍ଗ୍ ଏକ ପିଜା ହୋମ୍ରେ କାମ କରନ୍ତି। ଏବେ ଲକ୍ଡାଉନ୍ ସମୟରେ ଏପରି ଭିନ୍ନ ବର୍ଗର ତିଆରି କରିବାକୁ ଯୋଜନା କଲେ। ଭାଇରସ୍ ପରି ଦେଖିବାକୁ ବର୍ଗର ଖାଇଲେ କରୋନା ପ୍ରତି ଆଉ ଲୋକଙ୍କ ଭୟ ରହିବ ନାହିଁ। ପ୍ରତିଦିନ ୫୦ରୁ ଊର୍ଦ୍ଧ୍ୱ ଏହି ବର୍ଗର ବିକୁଛନ୍ତି ବୋଲି ତୁଙ୍ଗ୍ କୁହନ୍ତି।
