ଭୁବନେଶ୍ୱର,୨୬ା୩(ବ୍ୟୁରୋ)- କରୋନା ଭୂତାଣୁ(କୋଭିଡ୍-୧୯)କୁ ନିୟନ୍ତ୍ରଣ କରିବା ଅତ୍ୟନ୍ତ ଜଟିଳ ହୋଇପଡ଼ିଛି। ସମଗ୍ର ଦେଶରେ ଲକ୍ଡାଉନ୍ ଚାଲିଛି। ଜନସାଧାରଣଙ୍କ ନିକଟରେ କିଭଳି ଅତ୍ୟାବଶ୍ୟକ ସାମଗ୍ରୀ ପହଞ୍ଚତ୍ବ ତାହା ସରକାରଙ୍କ ପ୍ରାଥମିକତା ହୋଇଛି। ଏହାକୁ ଦୃଷ୍ଟିରେ ରଖି ଅତ୍ୟାବଶ୍ୟକ ସାମଗ୍ରୀ ପରିବହନରେ ନିୟୋଜିତ ଯାନବାହନଗୁଡ଼ିକ ଯେପରି ବିନା ବାଧାରେ ଚଳପ୍ରଚଳ କରିବ ସେ ନେଇ ସୁନିଶ୍ଚିତ କରିବାକୁ ରାଜ୍ୟ ସରକାର ସମସ୍ତ ଜିଲାପାଳ ଏବଂ ଏସ୍ପିଙ୍କୁ ନିର୍ଦ୍ଦେଶ ଦେଇଛନ୍ତି। କଟକ ଓ ଭୁବନେଶ୍ୱର ମହାନଗର ନିଗମ ମଧ୍ୟରେ ସେହି ଯାନବାହନଗୁଡିକ ନିର୍ବିଘ୍ନରେ ଚଳାଚଳ କରିବ। ଏଥିସହିତ ଜାତୀୟ ରାଜପଥ(ଏନ୍ଏଚ୍) କଡ଼ରେ ଥିବା ଢାବା, ଗ୍ୟାରେଜ୍ ଏବଂ ଯନ୍ତ୍ରାଂଶ ଦୋକାନଗୁଡ଼ିକ ଯେପରି ଖୋଲା ରହିବ ସେ ନେଇ ପଦକ୍ଷେପ ନେବାକୁ ଯୋଗାଣ ଅଧିକାରୀ ଏବଂ ଆର୍ଟିଓମାନଙ୍କ ସହଯୋଗରେ ଏହି ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି। ଯାନବାହନଗୁଡ଼ିକ ଯେପରି ଲକ୍ଷ୍ୟସ୍ଥଳରେ ସୁରକ୍ଷିତ ଭାବେ ପହଞ୍ଚତ୍ପାରିବେ ସେନେଇ ପଦକ୍ଷେପ ନେବାକୁ ଏସ୍ପିଙ୍କୁ ନିର୍ଦ୍ଦେଶ ଦିଆଯାଇଛି। ଅତ୍ୟାବଶ୍ୟକ ସାମଗ୍ରୀ ଛଡ଼ା ଅନ୍ୟ ଗାଡ଼ି ଯେପରି ଚଳାଚଳ ନ କରିବ ସେଥିପ୍ରତି ଦୃଷ୍ଟି ଦେବାକୁ କୁହାଯାଇଛି। ଯାନବାହନ ପାଇଁ କୌଣସି ଅନୁମତିପତ୍ରର ଆବଶ୍ୟକତା ନାହିଁ। ଢାବାରେ ଯେପରି ଭିଡ଼ ନ ହେବ ସେଥିପ୍ରତି ଦୃଷ୍ଟିଦେବାକୁ ନିର୍ଦ୍ଦେଶ ଦିଆଯାଇଛି। ଅତ୍ୟାବଶ୍ୟକ ସାମଗ୍ରୀ ପରିବହନ କରୁଥିବା କର୍ମଚାରୀଙ୍କ ବ୍ୟତୀତ ଅନ୍ୟମାନେ ଯେପରି ଢାବାକୁ ନ ଆସିବେ ସେ ନେଇ ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି।
