ଭୁବନେଶ୍ୱର,୧୮।୧୨(ବ୍ୟୁରୋ): ବିରାଡ଼ିକୁ ଗୁଳିମାଡ଼। ନିର୍ଦ୍ଦୟ ଭାବେ ବିରାଡ଼ିକୁ ଗୁଳି ମାରିବା ପରେ ତା’ର ମୃତ୍ୟୁ ଘଟିଛି। ଏଭଳି ଘଟଣାକୁ ନେଇ ବୁଧବାର ଖାରବେଳ ଥାନାରେ ଅଭିଯୋଗ ହୋଇଛି।
ସୂଚନାନୁଯାୟୀ, ଥାନା ଅଞ୍ଚଳରେ ରହୁଥିବା ସୁଶାନ୍ତ ପଟ୍ଟନାୟକଙ୍କ ପୋଷା ବିରାଡ଼ିକୁ ପଡୋଶୀ ଗୁଳି କରିଥିଲେ। ଏନେଇ ଖବର ପାଇ ପିପୁଲ ଫର୍ ଆନିମଲ ସଂସ୍ଥାର ଅମୂଲ୍ୟ ନାୟକ ଘଟଣାସ୍ଥଳରେ ପହଞ୍ଚି ବିରାଡ଼ିକୁ ଉଦ୍ଧାର କରି ଓୟୁଏଟିକୁ ନେଇ ଚିକିତ୍ସା କରିଥିଲେ। ହେଲେ ସେଠାରେ ତା’ର ମୃତ୍ୟୁ ଘଟିଥିଲା। ତେବେ ଡାକ୍ତରମାନେ ଏକ୍ସରେ କରିବା ସମୟରେ ବିରାଡ଼ିର ମୁଣ୍ଡ ଓ ଛାତିରେ ୨ଟି ଗୁଳିଥିବା ଦେଖିବାକୁ ପାଇଥିଲେ। ଏନେଇ ଅମୂଲ୍ୟ ଓ ସୁଶାନ୍ତ ଥାନାରେ ଅଭିଯୋଗ କରିଛନ୍ତି।
