ମହାକାଳପଡ଼ା,୩।୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳ ତନ୍ତିଆପାଳ ସାମୁଦ୍ରିକ ଥାନା ଅଧୀନ ଏକ ଜଙ୍ଗଲରୁ ସନ୍ଦେହଜନକ ଭାବେ ଏକ ମୃତଦେହ ମିଳିଛି। ମୃତକ ଜଣଙ୍କ ହେଲେ ପୂର୍ବ ସୁନିତି ବୋବାଙ୍ଗ ଡିହ ଗ୍ରାମର ନିତାଇ ମାନ୍ନା(୩୫)। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଅଦ୍ୟାବଧି ମୃତ୍ୟୁକୁ ନେଇ ବିଭିନ୍ନ ମହଲରେ ଆଲୋଚନା ହେଉଛି। ନିକଟରେ ବିଦ୍ୟୁତ ତାର ସଂସ୍ପର୍ଶରେ ଆସି ଅଘଟଣ ଘଟିଥିବା ସନ୍ଦେହ କରାଯାଉଛି। ଶୁକ୍ରବାର ରାତିରେ ନିକଟରେ ଏକ ଚାଳିଆ ଘରେ ଭୋଜିଭାତ ହୋଇଥିବା ଅଞ୍ଚଳରେ ଆଲୋଚନା ହେଉଛି। ଅପରପକ୍ଷରେ ତାଙ୍କ ଶରୀରରେ ବିଭିନ୍ନ ସ୍ଥାନରେ ଦାଗ ହୋଇଥିବା କୁହାଯାଉଛି। ତନ୍ତିଆପାଳ ପୋଲିସ ଘଟଣାସ୍ଥଳରେ ପହଞ୍ଚି ବିଭିନ୍ନ ପ୍ରସଙ୍ଗକୁ ନେଇ ସ୍ଥାନୀୟ ଲୋକ ମାନଙ୍କୁ ପଚରାଉଚରା କରୁଛି।
ମିଳିଥିବା ସୂଚନା ଅନୁସାରେ, ମୃତ ନିତାଇଙ୍କ ପତ୍ନୀ ଯମୁନା ମାନ୍ନା ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ପତ୍ରରେ ଦର୍ଶାଇଛନ୍ତି,ମୋ ସ୍ବାମୀ ବୁଦ୍ଧଦେବ ଗିରିଙ୍କ ମାଛ ଧରିବା ବୋଟରେ କାର୍ଯ୍ୟ କରନ୍ତି। ଶୁକ୍ରବାର ରାତିରେ ବୋଟ ମଲିକ ପୁଅ ସୁମନ୍ତ ଗିରି ଭୋଜି ଖାଇବା ପାଇଁ ମୋ ପୁଅକୁ ତାଙ୍କ ଘରକୁ ଡାକିଥିଲେ। ପୁଅ ଭୋଜି ଖାଇ ଘରକୁ ଫେରିଥିଲେ। ହେଲେ ସ୍ବାମୀ ଫେରି ନ ଥିଲେ। ମୁଁ ଫୋନ ଯୋଗେ ମାଲିକ ବୁଦ୍ଧଦେବଙ୍କୁ ସ୍ବାମୀ ଘରକୁ ଫେରିବା ନେଇ କହିଥିଲେ। ମାଲିକ କହିଥିଲେ ସେ ଯିବେ। ରାତିରେ ଶୋଇବା ପରେ ସ୍ବାମୀ ଆସି ନ ଥିଲେ। ହେଲେ ଶନିବାର ସକାଳେ ଜଙ୍ଗଲ ପାଶର୍ବରେ ସ୍ବାମୀଙ୍କ ମୃତ୍ୟୁ ହୋଇଥିବା ଦେଖିଲି। ପରେ ତାଙ୍କ ଶରୀରରେ ବିଦ୍ୟୁତ କରେଣ୍ଟ ଲାଗିଲା ଭଳି ଜଣାପଡୁଛି। ନ୍ୟାୟ ଦାବିରେ ତନ୍ତିଆପାଳ ସାମୁଦ୍ରିକ ପୋଲିସକୁ ଗୁହାରୀ ଜଣାଇବା ସହିତ ଶବ ବ୍ୟବଚ୍ଛେଦ କରିବା ପାଇଁ ନିବେଦନ କରିଛନ୍ତି।
ଏ ସଂକ୍ରାନ୍ତରେ ଥାନା ଅଧିକାରୀ ରତିକାନ୍ତ ନାୟକଙ୍କ ମତାମତ ନେବାରେ ତଦନ୍ତ ଆରମ୍ଭ ହୋଇଛି। ଆଇନ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି।
Dharitri – Odisha’s No.1 Odia Daily
