ଭୋପାଳ,୧୨।୧୦ : ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ଫଟୋ ସୋସିଆଲ ମିଡିଆରେ ‘ମାମା କା ଶ୍ରଦ୍ଧା’ କ୍ୟାପଶନ ପୋଷ୍ଟ କରିଥିବା ଅଭିଯୋଗରେ ଭାରତୀୟ ଜନତା ପାର୍ଟି କଂଗ୍ରେସକୁ ଟାର୍ଗେଟ କରିଛି। ତେବେ ବିରୋଧୀ ଦଳ କଂଗ୍ରେସ ଏହାକୁ ଅସ୍ବୀକାର କରି କହିଛି ଏଭଳି କୌଣସି ଫଟୋ ସୋସିଆଲ ମିଡିଆରେ ପୋଷ୍ଟ କରାଯାଇ ନାହିଁ।
କଂଗ୍ରେସ ନାମକ ଏକ ସୋସିଆଲ ମିଡିଆ ଏକ୍ସ ଆକାଉଣ୍ଟରୁ ଭାଇରାଲ ହୋଇଥିବା ଏହି ପୋଷ୍ଟକୁ ନେଇ ଉତ୍ତେଜନା ପ୍ରକାଶ ପାଇଛି। ଶିବରାଜ ସିଂଙ୍କ ପୁଅ କାର୍ତ୍ତିକେୟ ସିଂଙ୍କ ଠାରୁ କେନ୍ଦ୍ର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ପର୍ଯ୍ୟନ୍ତ ନେତା ଅସନ୍ତୋଷ ପ୍ରକାଶ କରିଛନ୍ତି।
କାର୍ତ୍ତିକେୟ ଏନେଇ କହିଛନ୍ତି ମୋ ଜୀବନ୍ତ ପିତାଙ୍କ ଶ୍ରାଦ୍ଧ ଖବର ପ୍ରସାର କରିବା ନିନ୍ଦା ଜନକ। ଜ୍ୟୋତିରାଦିତ୍ୟ ଟୁଇଟ କରି କଂଗ୍ରେସକୁ ନିନ୍ଦା କରିଛନ୍ତି। ସେ ପୋଷ୍ଟ କରିଛନ୍ତି ଏବଂ ଲେଖିଛନ୍ତି ରାଜ୍ୟ ନିର୍ବାଚନରେ ଏହାର ପରାଜୟ ଦେଖି କଂଗ୍ରେସ ଦଳ ଭୟଭୀତ ହେବା ଆରମ୍ଭ କରିଛି ଏବଂ ରାଜନୀତିରେ ସୂଚନା, ଭାଷା ଏବଂ ସମ୍ମାନ ଭୁଲି ଯାଇଛି। କଂଗ୍ରେସ ନିମ୍ନକୁ ଖସି ଆସିଛି।
ଅପରପକ୍ଷରେ କଂଗ୍ରେସ ଏହି ପ୍ରସଙ୍ଗରେ ସ୍ପଷ୍ଟୀକରଣ ଦେଇ କହିଛି ଦଳର କୌଣସି ପ୍ଲାଟଫର୍ମରୁ ଏଭଳି ପୋଷ୍ଟ କରାଯାଇ ନାହିଁ। କମଲ ନାଥଙ୍କ ମିଡିଆ ପରାମର୍ଶଦାତା ପୀୟୁଷ ବବଲେ କହିଛନ୍ତି କଂଗ୍ରେସର ବିରୋଧ ଲୋକ ବିରୋଧୀ ନୀତି ବିରୁଦ୍ଧ। ସରକାର ଗୁପ୍ତଚର ଏଜେନ୍ସିରୁ ଏହାର ସତ୍ୟତା ଜାଣିବା ଉଚିତ। ସେ କହିଥିଲେ ମୁଁ ଭଗବାନଙ୍କୁ ପ୍ରାର୍ଥନା କରୁଛି ତୁମର ପିତା ଶିବରାଜ ସିଂ ଦୀର୍ଘଜୀବି ହୂଅନ୍ତୁ। ଆମର ରାଜନୈତିକ ବିରୋଧର ଅର୍ଥ ନୁହେଁ ଆମେ ଏଭଳି କାର୍ଯ୍ୟ କରିବୁ। ଭାଜପା ଭିତରେ ଶିବରାଜଙ୍କର ଅନେକ ଶତ୍ରୁ ବସିଛନ୍ତି, ସେମାନେ ହିଁ ଏହି କାର୍ଯ୍ୟ କରିଥିବାର ଆଶଙ୍କା ରହିଛି।
राज्य चुनाव में अपनी आती हुई हार देखकर कांग्रेस पार्टी बौखलाने लगी है और राजनीति के भीतर सूचिता, भाषा व सम्मान को भूल चुकी है। रोज़ एक नए निचले स्तर पर गिरती जा रही है। श्राद्ध मनाना है तो अपने सिद्धांतों का मनाइए।
माननीय मुख्यमंत्री @ChouhanShivraj जी के साथ करोड़ो माताओं और… pic.twitter.com/X2boVyLxaF
— Jyotiraditya M. Scindia (@JM_Scindia) October 10, 2023
