ପୁରୁଷୋତ୍ତମପୁର,୧୦ା୫(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ଅନ୍ତର୍ଗତ ସୁନାଥର ଗ୍ରାମରେ ଭୟଙ୍କର ବିସ୍ଫୋରଣ । ରବିବାର ସଂଧ୍ଯ୍ଯାରେ ରୋଷେଇ ଲାଗି ଗ୍ଯାସ ଲଗାଇବା ବେଳେ ହଠାତ୍ ସିଲିଣ୍ଡରଟି ବିସ୍ପୋରଣ ହୋଇ ନିଆଁ ଲାଗିଯାଇଥିଲା । ତେବେ ବିସ୍ଫୋରଣ ସମୟରରେ ଘରର ଟିଣ ଉଡିଯାଇଥିବା ଜଣାପଡିଛି ।
ସିଲିଣ୍ଡର ବିସ୍ଫୋରଣରେ ଦୁଇ ମହିଳା ଦୁଇ ଶିଶୁଙ୍କ ସମେତ ୬ ଜଣ ଆହାତ ହୋଇଛନ୍ତି । ଆହାତମାନେ ହେଲେ ଶୋଭା ନାହାକ (୬୫), ପିଙ୍କି ନାହାକ (୩୫), ପ୍ରଶନ ନାହାକ (୩୫), କିର୍ତ୍ତନ ନାହାକ (୭୦), ପାଣ୍ଡା ନାହାକ( ୪) ଓ ଖୁସି ନାହାକ (ଦେଢବର୍ଷ) ବୋଲି ଜଣା ପଡିଛି । ସମସ୍ତ ଆହାତଙ୍କୁ ଚିକିତ୍ସା ଲାଗି ଆମ୍ବୁଲାନ୍ସ ଯୋଗେ ଭାଟକୁମରଡା ଗୋଷ୍ଠୀ ସ୍ବାସ୍ଥ୍ଯକେନ୍ଦ୍ରରେ ଭର୍ତ୍ତିକରାଯାଇଛି । ଖବରପାଇ ପୁରୁଷୋତ୍ତମପୁର ଦମକଳବାହୀନି ଘଟଣାସ୍ଥଳରେ ପହଁଚି ନିଆଁକୁ ଆୟତ୍ତ କରିଥିବା ବେଳେ ଥାନା ଏସଆଇ ଶୁଶାନ୍ତକୁମାର ମିଶ୍ର ଯାଇ ତଦନ୍ତ ଚଲାଇଛନ୍ତି ।
ଘଟଣାରୁ ଜାଣିବାକୁ ମିଳିଛିଯେ କିର୍ତ୍ତନଙ୍କ ଘରେଥିବା ଗ୍ଯାସଟିକୁ ଲଗାଇବା ପାଇଁ ସେହି ଗ୍ରାମର ସମ୍ପର୍କିୟ ପ୍ରଶନଙ୍କୁ ଡାକିଥିଲେ । ସେ ଗ୍ଯାସ ଲଗାଇବା ବେଳେ ହଠାତ୍ ଫାଟିଯାଇ ଘରସାରା ଜଳିଉଠିଥିଲା । ଏହି ବିଷ୍ପୋରଣରେ ଘରର ଟିଣ ଉଡିଯାଇଥିବା ବେଳେ ଜିନିଷପତ୍ର ମଧ୍ୟ ପୋଡିଯାଇଛି ।
