ବେଙ୍ଗାଲୁରୁ,୧୫।୬: କର୍ନାଟକର ସିଦ୍ଦାରାମାୟା ସରକାର ଗୁରୁବାର କିଛି ବଡ ନିଷ୍ପତ୍ତି ନେଇଛନ୍ତି। କର୍ନାଟକ ମନ୍ତ୍ରିମଣ୍ଡଳ ବୈଠକରେ ଭାଜପା ଶାସନ କାଳରେ ଆସିଥିବା ଧର୍ମାତରଣ ରଦ୍ଦ ଆଇନ(ଆଣ୍ଟି କନଭରସେଶନ ଲ)କୁ ରଦ୍ଦ କରିବାର ନିଷ୍ପତ୍ତି ନିଆଯାଇଛି। ଏହାସହ କେବି ହେଡଗୋଓ୍ବାର ସହ ଜଡିତ ଚାପ୍ଟର କର୍ନାଟକ ପାଠ୍ୟକ୍ରମରୁ ବାହାର କରିବାର ନିଷ୍ପତ୍ତି ଉପରେ ମୋହର ଲାଗିଛି।
କର୍ନାଟକର ଶିକ୍ଷାମନ୍ତ୍ରୀ ମଧୁ ବାଙ୍ଗରପ୍ପା କହିଛନ୍ତି କି କର୍ନାଟକ କ୍ୟାବିନେଟ, ସ୍କୁଲ ପାଠଁ ପୁସ୍ତକରୁ ଆରଏସଏସ ସଂସ୍ଥାପକ କେବି ହେଡଗୋଓ୍ବାର ଓ ଅନ୍ୟସହ ଜଡିତ ଅଧ୍ୟାୟକୁ ହଟାଇବାକୁ ନିଷ୍ପତ୍ତି ନିଆଯାଇଛି। ଗତବର୍ଷ (ସରକାର) ଯାହାବି ପରିବର୍ତ୍ତନ କରିଥିଲେ, ଆମେ ତାକୁ ବଦଳାଇ ଦେଇଛୁ।
କର୍ନାଟକ କ୍ୟାବିନେଟ ମନ୍ତ୍ରୀ ଏଚ.କେ ପାଟିଲ କହିଛନ୍ତି ଯେ ପୂର୍ବ ଭାଜପା ସରକାର ଆଣିଥିବା ଧର୍ମ ପରିବର୍ତ୍ତନ ବିରୋଧୀ ଆଇନକୁ ରଦ୍ଦ କରିବାକୁ କର୍ନାଟକ କ୍ୟାବିନେଟ ନିଷ୍ପତ୍ତି ନେଇଛି। ବିଦ୍ୟାଳୟ ଓ ମହାବିଦ୍ୟାଳୟରେ ପ୍ରାର୍ଥନା ସହିତ ସମ୍ବିଧାନର ପ୍ରିମ୍ବଲ ପିଢିବା ବାଧ୍ୟତାମୂଳକ କରିବାକୁ ରାଜ୍ୟ କ୍ୟାବିନେଟ ନିଷ୍ପତ୍ତି ନେଇଛି।
ସେ ସୂଚନା ଦେଇଛନ୍ତି ଯେ କର୍ଣ୍ଣାଟକ କ୍ୟାବିନେଟ ମଧ୍ୟ ପୁରୁଣା ଆଇନକୁ ଫେରାଇ ଆଣିବା ପାଇଁ ରାଜ୍ୟରେ ଏପିଏମ୍ସି ଆକ୍ଟରେ ସଂଶୋଧନ କରିବାକୁ ନିଷ୍ପତ୍ତି ନେଇଛି। ଗୁରୁବାର କ୍ୟାବିନେଟ ବୈଠକରେ ପାଠ୍ୟପୁସ୍ତକର ସଂଶୋଧନ ଉପରେ ମଧ୍ୟ ଆଲୋଚନା କରାଯାଇଥିଲା।
