ରାଇକିଆ,୬ା୫(ଡି.ଏନ୍.ଏ.): କନ୍ଧମାଳ ଜିଲା ରାଇକିଆ ବ୍ଲକ ମାଣିକେଶର ପଞ୍ଚାୟତର କୁରୁଗୁଡ଼ା ପୋଲର ଶିଳାନ୍ୟାସ କରିଛନ୍ତି ଜି.ଉଦୟଗିରି ବିଧାୟକ ସାଲୁଗା ପ୍ରଧାନ। ୫ ଊଦ୍ଧର୍ବ ଗାଆଁକୁ ସଂଯୋଗ କରୁଥିବା ଏହି ଏହି ରାସ୍ତା ଉପରେ ପୋଲ ନ ଥିବାରୁ ଲୋକେ ଅସୁବିଧାର ସମ୍ମୁଖୀନ ହେଉଥିଲେ। ପୂର୍ବରୁ ଏହି ଅଞ୍ଚଳ ଜି.ଉଦୟଗିରି ବ୍ଲକ ଅଧୀନରେ ଥିବା ବେଳେ ଏକ ପୋଲ କାମ ଆରମ୍ଭ ହୋଇଥଲା ମଧ୍ୟ ତାହାକୁ ଅଧପନ୍ତରିଆ ଭାବେ ଛାଡ଼ି ଦିଆ ଯାଇଥିଲା। ଏ ନେଇ ସ୍ଥାନୀୟ ଲୋକଙ୍କ ବାରମ୍ବାର ଦାବି ପରେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ବିଜୁ ସେତୁ ଯୋଜନାରେ ଏହାକୁ ସାମିଲ କରାଯାଇ ଏହାର ଶିଳାନ୍ୟାସ କରାଯାଇଛି। ପୋଲ କାର୍ଯ୍ୟକ୍ଷମ ହେଲେ ଗିସିପାବାଲି, ଟାଡୁମାହା, ଶିପାଇଜୁ, ଡାଙ୍ଗେଶି, କୁରୁପୁଡା ଗ୍ରାମର ଲୋକେ ଉପକୃତ ହେବା ସହ ଏହି ରାସ୍ତା ଗଞ୍ଜାମ ଜିଲାକୁ ସଂଯୋଗ କରିପାରିବ। କାର୍ଯ୍ୟକ୍ରମରେ ବିଧାୟକଙ୍କ ସମେତ ଗ୍ରାମ୍ୟ ଉନ୍ନୟନ ବିଭାଗର ସହକାରୀ ଯନ୍ତ୍ରୀ, କନିଷ୍ଠ ଯନ୍ତ୍ରୀ, ସ୍ବତନ୍ତ୍ର ବିକାଶ ପରିଷଦ ସଦସ୍ୟ ଭୂଷଣ ପ୍ରଧାନ, ବ୍ଲକ ବିଜେଡି ସଭାପତି ରାଜ ମୋହନ ଦିଗାଲ, ଜିଲା ସଂପାଦକ ବିଜୟ ପଣ୍ଡା, ଛାତ୍ର ସଭାପତି ରୋସନ ନାୟକ, ଏମ୍ପି ପ୍ରତିନିଧି ଟୁକୁନା ପାଣିଗ୍ରାହୀ, ମିଥୁନ ଦିଗାଲ ପ୍ରମୁଖ ସାମିଲ ହୋଇଥିଲେ।
