ପ୍ୟାରିସ: ପ୍ରତ୍ୟେକ ଫ୍ୟାଶନ୍ ଶୋ’ରେ ସୁନ୍ଦରୀ ତରୁଣୀମାନେ ଭିନ୍ନ ଡିଜାଇନ୍ର ଟ୍ରେଣ୍ଡି ପୋଷାକ ପିନ୍ଧି ରାମ୍ପ ଓ୍ବାକ୍ର ସ୍ବତନ୍ତ୍ର ଷ୍ଟେଜ୍ରେ କ୍ୟାଟ୍ ଓ୍ବାକ୍ କରନ୍ତି । ଆଉ ଏହି ଷ୍ଟେଜ୍କୁ ଘେରି ବସିଥାନ୍ତି ଅନେକ ସେଲିବ୍ରିଟି ଡିଜାଇନର୍ ଏବଂ ଦର୍ଶକ। କାର୍ଯ୍ୟକ୍ରମ ଆରମ୍ଭ ହେବା ପୂର୍ବରୁ ମଡେଲମାନଙ୍କୁ ଡିଜାଇନର୍ ଡ୍ରେସ୍ ପିନ୍ଧାଯିବା ସାଙ୍ଗକୁ ମେକ୍ଅପ୍ କରାଯାଏ। ଅନେକ ସମୟରେ ମଡେଲମାନଙ୍କୁ ତାଙ୍କ ପୋଷାକ ପାଇଁ ପ୍ରଶଂସା କରାଯାଏ। ସେହିପରି ଆମେରିକାର ସୁପର ମଡେଲ ବୋଲାଉଥିବା ବେଲା ହାଡିଡି ନିଜ ପୋଷାକ ପାଇଁ ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି।
ପ୍ୟାରିସ୍ରେ ଅନୁଷ୍ଠିତ କୋପର୍ନି ଓମେନ୍ସ ଓ୍ବେର୍ ସ୍ପ୍ରିଙ୍ଗ୍/ସମର୍ ୨୦୨୩ରେ ଫ୍ୟାଶନ୍ ଶୋ’ବେଲାଙ୍କ ପାଇଁ ଏକ ସ୍ବତନ୍ତ୍ର ପ୍ରକାର ଡାଏ -ଡ୍ରେସ୍ ତିଆରି କରାଯାଇଥିଲା, ଯାହାକୁ ସେ ମଞ୍ଚ ଉପରକୁ ଆସି ପିନ୍ଧିଥିଲେ। ବେଲା ହାଇହିଲ୍ ପିନ୍ଧି ବକ୍ଷକୁ ହାତରେ ଘୋଡ଼ାଇ ଟପ୍ଲେସ୍ ହୋଇ ରନ୍ଓ୍ବେକୁ ଆସିଥିଲେ। ଏହାପରେ ଦୁଇଜଣ ଆର୍ଟିଷ୍ଟ ତାଙ୍କ ଶରୀରରେ ଓପାକ୍ ହ୍ବାଇଟ୍ ଲାଟେକ୍ସ ସ୍ପ୍ରେ ଛିଞ୍ଚି ଏକ ହ୍ବାଇଟ୍ ସ୍ଲିପ୍ ଡ୍ରେସ୍ ତିଆରି କରିଥିଲେ। କିଛି କ୍ଷଣ ମଧ୍ୟରେ ଓପାକ୍ ହ୍ବାଇଟ୍ ଲାଟେକ୍ସରୁ ଏକ ସଲିଡ୍, ମିଡ୍-ଲେନ୍ଥ ଡ୍ରେସ୍ରେ ପରିଣତ ହୋଇଯାଇଥିଲା। ବେଲା ଡ୍ରେସ୍ରେ ନିଜକୁ ଆଡ୍ଜଷ୍ଟ କରୁଥିବା ଭିଡିଓରେ ଦେଖାଯାଇଥିଲା। ଉକ୍ତ ଡ୍ରେସ୍ରେ ବେଲା କ୍ୟାଟ୍ଓ୍ବାକ୍ କରି ଅନ୍ୟ ମଡେଲଙ୍କ ପରି ମଞ୍ଚରୁ ବିଦାୟ ନେଇଥିଲେ। ତେବେ ବେଲାଙ୍କ ଏହି ଡାଏ ଡ୍ରେସ୍ ଭିଡିଓ ସୋସିଆଲ ମିଡିଆରେ ବହୁଳ ପ୍ରସାର ହେବାରେ ଲାଗିଛି।
