ସାଣ୍ଟିଆଗୋ,୧ା୧୦: ମ୍ୟାଚ୍ ସମୟରେ ପ୍ରଶଂସକଙ୍କ କ୍ରେଜ୍ ବେଳେବେଳେ ସମସ୍ତ ସୀମା ଅତିକ୍ରମ କରେ। ଦକ୍ଷିଣ ଆମେରିକାର ଚିଲିରେ ଶୁକ୍ରବାର ଏକ ଫୁଟବଲ ମ୍ୟାଚ୍ ସମୟରେ ସେମିତି ଏକ ଘଟଣା ଘଟିଛି। କୁହାଯାଉଛି, ଷ୍ଟାଡିୟମରେ ମାତ୍ର ୫୦ ହଜାର ଲୋକଙ୍କ ପାଇଁ ବସିବାର କ୍ଷମତା ଥିଲା। କିନ୍ତୁ ଏଠାରେ ୭୭ ହଜାର ଲୋକ ଥିଲେ। ହଠାତ୍ ଗ୍ୟାଲେରି ଭୁଶୁଡ଼ି ପଡ଼ିଲା। ଫଳରେ ଅନେକ ଲୋକ ଆହତ ହୋଇଛନ୍ତି। ହୋ-ହଲ୍ଲା ଯୋଗୁ ମ୍ୟାଚ୍କୁ ବନ୍ଦ କରାଯାଇଛି।
ଚିଲିର ରାଜଧାନୀ ସାଣ୍ଟିଆଗୋର କୋଲୋ-କୋଲୋ ଷ୍ଟାଡିୟମରେ ଏହି ଫୁଟବଲ ମ୍ୟାଚ୍ ଚାଲିଥିଲା। ଏହି ଷ୍ଟାଡିୟମର ୩୩ ବର୍ଷ ପୂର୍ତ୍ତି ଉପଲକ୍ଷେ ମ୍ୟାଚ୍ର ଆୟୋଜନ କରାଯାଇଥିଲା। ଭାଇରାଲ ଭିଡିଓରେ ଦେଖିବାକୁ ମିଳିଛି, ପ୍ରଶଂସକମାନେ ଷ୍ଟାଡିୟମରେ ଖୁସିରେ ଝୁଲୁଥିଲେ। ତା’ପରେ ଷ୍ଟାଡିୟମର ଏକ ଗ୍ୟାଲେରି ଭୁଶୁଡ଼ି ପଡ଼ିଲା। ଏହି ଦୁର୍ଘଟଣାରେ ଅନେକ ଲୋକ ଆହତ ହୋଇଛନ୍ତି।
ଷ୍ଟାଡିୟମ ପିଚ୍ରେ ଉପସ୍ଥିତ ଥିବା କୋଲୋ କୋଲୋ ଖେଳାଳିଙ୍କୁ ତୁରନ୍ତ ଡ୍ରେସିଂ ରୁମ୍କୁ ପଠାଯାଇଥିଲା ଏବଂ ମ୍ୟାଚ୍ ବାତିଲ କରାଯାଇଥିଲା।
କୋଲୋ କୋଲୋକୁ ଡାକିଥିବା ମ୍ୟାକ୍ସିମିଲିଆନୋ ଫାଲକନ କହିଛନ୍ତି, ଯେତେବେଳେ ଆମେ ଉପର ମହଲାକୁ ଯାଇଥିଲୁ ସେଠାରେ ଏହି ଘଟଣା ଘଟିଥିଲା।
