ନିଷ୍ଠା, ତ୍ୟାଗ ଓ ସମର୍ପଣ ଭାବରେ ସବୁ କ୍ଷେତ୍ରରେ ସଫଳତା ମିଳିଥାଏ। ଏଭଳି ମନ୍ତ୍ରକୁ ଆଧାର କରି ଗୁଜରାଟ ବନାଶକାଣ୍ଠ ଜିଲା ନିବାସୀ ନବଲବେନ୍ ଚୌଧୁରୀ ପଶୁପାଳନ ବିଜ୍ନେସରେ ବେଶ୍ ସଫଳତା ପାଇଛନ୍ତି। ଏସିଆର ସବୁଠୁ ବଡ଼ ‘ବନାସ ଡାଏରୀ’ ପ୍ରତିଷ୍ଠା କରି ପ୍ରତିଦିନ ୧ ହଜାର ଲିଟର ଦୁଗ୍ଧ ବିକ୍ରି କରୁଛନ୍ତି। ମାସକୁ ୮-୯ ଲକ୍ଷ ଟଙ୍କା ହିସାବରେ ବର୍ଷକୁ ପାଖାପାଖି ୧ କୋଟି ଟଙ୍କା ରୋଜଗାର କରୁଛନ୍ତି ନବଲବେନ୍। ସେ ପ୍ରଥମେ ୮-୧୦ଟି ଗାଈଙ୍କୁ ନେଇ ଫାର୍ମ ଆରମ୍ଭ କରିଥିଲେ। ଏବେ ତାଙ୍କ ପାଖରେ ୨୫୦ ଗାଈ ଓ ମଇଁଷି ରହିଛନ୍ତି। ନବଲବେନ୍ଙ୍କ ଦିନକାର୍ଯ୍ୟ ସକାଳ ୫ଟାରୁ ଆରମ୍ଭ ହୋଇଥାଏ। ପରେ ଡାଏରୀ ଫାର୍ମର ସବୁକାର୍ଯ୍ୟ ସେ ତଦାରଖ କରନ୍ତି । କ୍ଷୀରକୁ ନେଇ ବନାସ୍ ଡାଏରୀର ଦୁଗ୍ଧ ମଣ୍ଡଳରେ ଜମା କରାଯାଏ। ପଶୁଙ୍କ ଖାଦ୍ୟ ଲାଗି ସେ ୫ ଏକରରେ ଘାସଚାଷ କରିଛନ୍ତି। ସବୁ କାର୍ଯ୍ୟ ସୁରୁଖୁରୁରେ କରିବା ଲାଗି ସେ ୧୫ ଜଣଙ୍କୁ ନିଯୁକ୍ତି ଦେଇଛନ୍ତି।
