ଅହମ୍ମଦାବାଦ,୯।୨: ଇଣ୍ଡିଆନ ପ୍ରିମିୟର ଲିଗର ନୂତନ ଫ୍ରାଞ୍ଚାଇଜ ଅହମ୍ମଦାବାଦ ଏହାର ନାମ ଘୋଷଣା କରିଛି। ଗୁଜୁରାଟ ଟାଇଟାନ୍ସ ନାମରେ ଆଇପିଏଲର ୧୫ତମ ସଂସ୍କରଣରେ ଅହମ୍ମଦାବାଦ ଫ୍ରାଞ୍ଚାଇଜ ପଡ଼ିଆରେ ପ୍ରବେଶ କରିବ। ବୁଧବାର ଏହା ଘୋଷଣା କରାଯାଇଛି। ଅହମ୍ମଦାବାଦ ହାର୍ଦ୍ଦିକ ପାଣ୍ଡ୍ୟାଙ୍କୁ ତାଙ୍କ ଦଳର ଅଧିନାୟକ କରିଥିବାବେଳେ ଶୁଭମନ ଗିଲ ଏବଂ ଆଫଗାନିସ୍ତାନର ଷ୍ଟାର ସ୍ପିନର ରସିଦ ଖାନ ମଧ୍ୟ ଏହି ଦଳରେ ଯୋଗ ଦେଇଛନ୍ତି। କୋଚିଂ ଷ୍ଟାଫରେ ଆଶିଷ ନେହେରା ଏବଂ ଗ୍ୟାରି କର୍ଷ୍ଟନ ଅଛନ୍ତି।
ଅହମ୍ମଦାବାଦ ସେମାନଙ୍କ ସହ ରସିଦ ଏବଂ ହାର୍ଦ୍ଦିକଙ୍କୁ ୧୫-୧୫ କୋଟି ଟଙ୍କା କିଣିଛି। ହାର୍ଦ୍ଦିକ ପୂର୍ବରୁ ମୁମ୍ବାଇ ଇଣ୍ଡିଆନ୍ସ ଦଳ ପାଇଁ ଆଇପିଏଲରେ ଖେଳୁଥିବାବେଳେ ରସିଦ ଖାନ ଆଇପିଏଲର ୧୪ତମ ସିଜନରେ ସନରାଇଜର୍ସ ହାଇଦ୍ରାବାଦରେ ଖେଳିଥିଲେ। ଶୁଭମନ ଗିଲ ଗତ ବର୍ଷ କୋଲକାତା ନାଇଟ ରାଇଡର୍ସର ଅଂଶ ଥିଲେ।
