ବମ୍ବେ: ଆଉ ମାତ୍ର କେଇ ଘଣ୍ଟାର ଅପେକ୍ଷା। ଚଳିତ ବର୍ଷ ବିଗ୍ବସ୍-୧୫ ସିଜନ୍ର ଅନ୍ତ ହେବାକୁ ଯାଉଛି। ଶନିବାର ଏବଂ ରବିବାର ଏହାର ଫିନାଲେ ଏପିସୋଡ ପ୍ରସାରିତ ହେବ, ଯାହା ପରେ କିଏ ବିଜେତା ହେବ ତାହା ସ୍ପଷ୍ଟ ହୋଇଯିବ। ଏହା ଅବ୍ୟବହିତ ପୂର୍ବରୁ ଶୋ’ର ଦୁଇ ପ୍ରତିଯୋଗୀଙ୍କ ମଧ୍ୟରେ ଘମାଘୋଟ ଲଢ଼େଇ ଦେଖିବାକୁ ମିଳିଛି। ସେମାନେ ହେଲେ ସମିତା ସେଟ୍ଟୀ ଏବଂ ତେଜସ୍ବୀ ପ୍ରକାଶ। ଏହାର ପ୍ରମୋ ଭିଡିଓ କଲର୍ସ ପକ୍ଷରୁ ଶେୟାର କରାଯାଇଛି।
ଶୋ’ରେ ପ୍ରେମିକ କରନ୍ କୁନ୍ଦ୍ରାଙ୍କୁ ସମିତାଙ୍କ ସହ ଦେଖିପାରନ୍ତି ନାହିଁ ତେଜସ୍ବୀ। ଏଥିପାଇଁ ସେ ତାଙ୍କୁ ଆଣ୍ଟି ବୋଲି ଡାକିବା ସହ ଅନେକ ସମୟରେ କଟୁ ମନ୍ତବ୍ୟ ଦେଇଥାନ୍ତି। ଏହାର ଜବାବ ଦେବେ ସମିତାଙ୍କ ପ୍ରେମିକ ରାକେଶ ବାପଟ। ସେ ତେଜସ୍ବୀଙ୍କ ବ୍ୟବହାରକୁ ନାପସନ୍ଦ କରିବା ସହ ସମିତାଙ୍କର କରନ୍ଙ୍କ ସହ କୌଣସି ସମ୍ପର୍କ ନାହିଁ ବୋଲି ରୋକଠୋକ ଶୁଣାଇଛନ୍ତି। ଏହାଛଡ଼ା ତେଜସ୍ବୀଙ୍କ କଥା ଶୁଣିବା ବେଳେ ଏତେ ରାଗ ଲାଗୁଥିଲା ଯେ ଟିଭି ଭାଙ୍ଗିଦେବାକୁ ଇଚ୍ଛା ହେଉଥିଲା ବୋଲି ସେ କହିଥିବା ପ୍ରମୋରେ ଦେଖାଯାଉଛି।
ଏହାପରେ ତେଜସ୍ବୀ-ସମିତାଙ୍କ ମଧ୍ୟରେ ଝଗଡ଼ା ଆରମ୍ଭ ହୋଇଯାଉଛି। ପ୍ରଥମ ଥର ପାଇଁ ବିଗ୍ବସ୍ର ଫିନାଲେ ଏପିସୋଡରେ ଦୁଇ ପ୍ରତିଯୋଗୀଙ୍କୁ ଏଭଳି ଝଗଡ଼ା କରୁଥିବା ଦେଖାଯାଉଛି ବୋଲି ଚର୍ଚ୍ଚା ହେଉଛି। ତେବେ ଶନିବାର ୮ଟାରୁ ଏହି ଏପିସୋଡ ପ୍ରସାରିତ ହେବ।
View this post on Instagram
