ଦୁନିଆରେ ବହୁ ଅନନ୍ୟ ସ୍ଥାନ ଅଛି, ଯାହା ବିଷୟରେ ବହୁ କମ୍ ଲୋକ ଜାଣିଥାନ୍ତି। ବିଶ୍ୱରେ ସେମିତି ଏକ ଆଶ୍ଚର୍ଯ୍ୟଜନକ ସ୍ଥାନ ଅଛି, ଯେଉଁଠି ୭୦ ବର୍ଷ ମଧ୍ୟରେ କାହାର ମୃତ୍ୟୁ ଘଟିନାହିଁ।
ଏହା ଶୁଣିବାକୁ ଅଜବ ଲାଗୁ ଥାଇପାରେ, ମାତ୍ର ଏହା ସମ୍ପୂର୍ଣ୍ଣ ସତ୍ୟ। ୭୦ ବର୍ଷ ମଧ୍ୟରେ ଏହି ସ୍ଥାନରେ କେହି ମରି ନାହାନ୍ତି। ଜାଣନ୍ତୁ ଏପରି ଅନନ୍ୟ ସ୍ଥାନ ସମ୍ପର୍କରେ…
ଏହି ସ୍ଥାନଟି ନରଓ୍ବେରେ ରହିଛି। ଏଠାରେ ଅନେକ ସୁନ୍ଦର ସ୍ଥାନ ଅଛି, ଯେଉଁଥିପାଇଁ ଏହା ଦୁନିଆର ପ୍ରସିଦ୍ଧ ପର୍ଯ୍ୟଟନ ସ୍ଥାନଗୁଡ଼ିକ ମଧ୍ୟରୁ ଅନ୍ୟତମ। ଏହି ସ୍ଥାନର ନାମ ହେଉଛି ‘ଲଙ୍ଗ୍ ଇୟରବେନ୍’। ଏହି ସ୍ଥାନରେ କେହି ମରି ପାରିବେ ନାହିଁ। ଏହା ଜାଣି ଆପଣଙ୍କ ମନରେ ପ୍ରଶ୍ନ ଉଠିବ ଯେ କାହିଁକି?
ନରଓ୍ବେ ‘ମିଡ୍ ନାଇଟ୍ ସନ୍’ ନାମରେ ମଧ୍ୟ ଜଣାଶୁଣା। ମେ’ରୁ ଜୁଲାଇ ଶେଷ ପର୍ଯ୍ୟନ୍ତ ଏହି ଦେଶରେ ସୂର୍ଯ୍ୟ ଅସ୍ତ ହୁଅନ୍ତି ନାହିଁ। ଏଠାରେ ୭୬ ଦିନ ପାଇଁ ନିରନ୍ତର ଦିନ ଅଛି ଏବଂ ରାତି ନାହିଁ। ଏପରିକି ଏପ୍ରିଲ ୧୦ରୁ ଅଗଷ୍ଟ ୨୩ ପର୍ଯ୍ୟନ୍ତ ସୂର୍ଯ୍ୟ ଅସ୍ତ ହୁଅନ୍ତି ନାହିଁ। ଏଠାକାର ପ୍ରଶାସନ ଏକ ଆଇନ ପ୍ରଣୟନ କରିଛନ୍ତି, ଯେଉଁ କାରଣରୁ ଲୋକମାନେ ଏଠାରେ ମରିପାରିବେ ନାହିଁ। ଏଠାରେ ମଣିଷର ମୃତ୍ୟୁ ଉପରେ ପ୍ରତିବନ୍ଧକ ଲଗାଯାଇଛି।
ନରଓ୍ବେର ନର୍ଥପୋଲ୍ରେ ଅବସ୍ଥିତ ଲଙ୍ଗ୍ ଇୟରବେନ୍ରେ ବର୍ଷସାରା ପ୍ରବଳ ଥଣ୍ଡା ଅନୁଭୂତ ହୁଏ। ଯେଉଁ କାରଣରୁ ମୃତଦେହ ଏଠାରେ ନଷ୍ଟ ହୁଏ ନାହିଁ॥ ଏହି ସହରର ଜନସଂଖ୍ୟା ପ୍ରାୟ ୨୦୦୦। ଯଦି କେହି ବ୍ୟକ୍ତି ଏଠାରେ ଅସୁସ୍ଥ ହୁଅନ୍ତି, ତେବେ ତାଙ୍କୁ ବିମାନରେ ଅନ୍ୟ ସ୍ଥାନକୁ ନିଆଯାଏ। ତା’ପରେ ଉକ୍ତ ସ୍ଥାନରେ ମତ୍ୟୁ ପରେ ସେହି ବ୍ୟକ୍ତିଙ୍କର ଶେଷ ରୀତିନୀତି ସମ୍ପନ୍ନ ହୁଏ। ଏହି କାରଣରୁ ଏଠାରେ କାହାର ମୃତ୍ୟୁ ହୁଏ ନାହିଁ।
