ବ୍ରାସିଲିୟା,୨୨ ।୧୦: ବ୍ରାଜିଲର ସ୍ୱାସ୍ଥ୍ୟ ପ୍ରାଧିକରଣ ଏନୱିସା ବୁଧବାର ପ୍ରକାଶ କରିଛି ଯେ ଅଷ୍ଟ୍ରାଜେନିକା ଓ ଅକ୍ସୋଫୋର୍ଡ ବଶ୍ୱବିଦ୍ୟାଳୟ ଦ୍ୱାରା ବିକଶିତ କରାଯାଇଥିବା କୋଭିଡ-୧୯ ଭ୍ୟାକ୍ସିନର କ୍ଲିନିକାଲ ପରୀକ୍ଷଣ ବେଳେ ବ୍ରାଜିଲର ଜଣେ ସ୍ୱେଚ୍ଛାସେବୀଙ୍କ ମୃତ୍ୟୁ ହୋଇଛି । ହେଲେ ଏହାପରେ ବି ପରୀକ୍ଷଣ ଜାରି ରହିବ ବୋଲି କହିଛି ବ୍ରାଜିଲର ସ୍ୱାସ୍ଥ୍ୟ ପ୍ରାଧିକରଣ । ଅକ୍ସଫୋର୍ଡ ବି ଏହି ପରୀକ୍ଷଣ ଜାରି ରଖିବାର ଯୋଜନା ରଖିଥିବା ନିଶ୍ଚିତ କରିଛି । ଏକ ବିବୃତ୍ତିରେ କୁହାଯାଇଛି ଯତ୍ନର ସହ ମୂଲ୍ୟାଙ୍କନ ପରେ ପରୀକ୍ଷଣର ସୁରକ୍ଷାକୁ ନେଇ ଚିନ୍ତା କରିବାର କିଛି ନାହିଁ । ତେବେ ଅଷ୍ଟ୍ରାଜେନିକା ଏ ବିଷୟରେ ତୁରନ୍ତ କୌଣସି ଟିପ୍ପଣି ଦେବାକୁ ମନା କରି ଦେଇଛି । ସୂଚନାଯୋଗ୍ୟ, କରୋନା ମହାମାରୀକୁ ହଟାଇବାକୁ ତିଆରି ହେଉଥିବା ଭ୍ୟାକ୍ସିନ ଦୌଡରେ ଅଷ୍ଟ୍ରାଜେନିକା ଓ ଅକ୍ସଫୋର୍ଡ ବିଶ୍ୱବିଦ୍ୟାଳୟ ଦ୍ୱାରା ବିକଶିତ କରାଯାଉଥିବା ଭ୍ୟାକ୍ସିନ ସବୁଠାରୁ ଆଗରେ ରହିଛି । ଭାରତ ସମେତ ସାରା ବିଶ୍ୱର ନଜର ଏହା ଉପରେ ରହିଛି । ଭାରତର ପୁଣେରେ ଥିବା ସିରମ ଇନଷ୍ଟିଚ୍ୟୁଟରେ ବି କରୋନା ଭ୍ୟାକ୍ସିନ ବିକଶିତ କରାଯାଉଛି ।
