ଇସଲମାବାଦ,୨୦।୯: ଭାରତ ସହ ସମ୍ପର୍କ ବିଗାଡିବା ପାଇଁ ପାକିସ୍ତାନ ଆଉ ଏକ ପଦକ୍ଷେପ ନେଇଛି। ଭାରତୀୟ ହାଇକମିଶନର ଅଜୟ ବିସାରିଆଙ୍କୁ ବହିଷ୍କାର କରିବାର ମାସେ ପରେ ପାକିସ୍ତାନ ରବିବାର କୂଟନୀତିଜ୍ଞ ଜୟନ୍ତ ଖୋବରାଗଡେଙ୍କୁ ଭିସା ଦେବାକୁ ମନା କରିଦେଇଛି। ଇସଲାମାବାଦରେ ଭାରତ ପକ୍ଷରୁ ଖୋବରାଗଡେଙ୍କୁ କୂଟନୀତିଜ୍ଞ ଭାବେ ନିଯୁକ୍ତ କରାଯାଇଛି। ଏଭଳି ପରିସ୍ଥିତିରେ ପାକିସ୍ତାନର ଏହି ପଦକ୍ଷେପ ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କକୁ ଆହୁରି ଖରାପ କରିବ ବୋଲି ଆଶଙ୍କା କରାଯାଉଛି। ଏଥି ସହିତ କୂଟନୈତିକ ଦୃଷ୍ଟିରୁ କୂଟନୀତିଜ୍ଞ ପଦରେ ଭାରତ କାହାକୁ ନିଯୁକ୍ତ କରାଯିବ ତାହା ପାକିସ୍ତାନକୁ କୁହାଯିବା କୌଣସି ନିୟମ ନାହିଁ। ଜୟନ୍ତ ଜଣେ ୧୯୯୫ ବ୍ୟାଚ ଆଇଏଫ୍ଏସ୍ ଅଧିକାରୀ। ସେ ପୂର୍ବରୁ ମଧ୍ୟ ପାକିସ୍ତାନରେ କାମ କରିଛନ୍ତି। ସେ ଏବେ ପରମାଣୁ ଶକ୍ତି ବିଭାଗରେ ଯୁଗ୍ମ ସଚିବ ଅଛନ୍ତି। ସେ କିର୍ଗିସ୍ଥାନରେ ଭାରତୀୟ ଉଚ୍ଚ କମିଶନର ଭାବରେ କାର୍ଯ୍ୟ କରିଥିଲେ। ଏହା ପରେ ସେ ରୁଷିଆ, ସ୍ପେନ ଏବଂ କାଜାଖସ୍ତାନରେ ଭାରତୀୟ ମିଶନରେ କାର୍ଯ୍ୟ କରିଥିଲେ।
ସୂଚନାଯୋଗ୍ୟ, ୨୦୧୯, ଅଗଷ୍ଟରେ ଜମ୍ମୁକଶ୍ମୀରରୁ ଧାରା ୩୭୦ ରଦ୍ଦ କରି ଦୁଇ କେନ୍ଦ୍ରଶାସିତ ଅଞ୍ଚଳ ଗଠନ ହେବାପରେ ପାକିସ୍ତାନ ଏବଂ ଭାରତ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ପ୍ରଭାବିତ ହୋଇଛି।
