ବାଙ୍ଗିରିପୋଷି, ୧।୩(ଡି.ଏନ.ଏ.)-ବାଙ୍ଗିରିପୋଷି ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ଦ୍ୱାରଶୁଣି ଘାଟିରେ ଶନିବାର ସକାଳେ ଏକ ଆଇରନ ଡଷ୍ଟ ବୋଝେଇ ଟ୍ରେଲର ଯୋଡାରୁ ଖଡଗପୁର ଯାଉଥିବା ବେଳେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି। ଟ୍ରେଲର ଚାଳକ ଓ ଅନ୍ୟ ଜଣେ ଚାଳକ ସିଟ୍ରେ ବସିଥିବା ବେଳେ ଗୁରୁତର ଆହତ ହୋଇଥିଲେ। ବାଙ୍ଗିରିପୋଷି ଅଗ୍ନିଶମ ବିଭାଗର କର୍ମଚାରୀ ପହଞ୍ଚି ତାଙ୍କୁ ଉଦ୍ଧାର କରି ବାଙ୍ଗିରିପୋଷି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଚାଳକଦ୍ୱୟ ଉତ୍ତରପ୍ରଦେଶ ରାଜ୍ୟ ମୁଜଫାନଗର ଜିଲାର ନବାବ ଅଲ୍ଲୀ ଓ ଏମ୍ଡି ସାଜାଦ ବୋଲି ଜାଣିବାକୁ ମିଳିଛି। ବାଙ୍ଗିରିପୋଷି ପୋଲିସ ପହଞ୍ଚି ଗାଡିକୁ ଜବତ କରିବା ସହ ଏକ ମାମଲା ରୁଜୁ କରିଛି। ଦୁର୍ଘଟଣାଗ୍ରସ୍ତ ଗାଡିରୁ ଲୋକେ ଡିଜେଲ ଚୋରି କରିନେଉଥିବା ଦେଖିବାକୁ ମିଳିଥିଲା।
