ଭୁବନେଶ୍ବର,୩।୨(ବ୍ୟୁରୋ): ବିନା ବିଲ୍ଡିଂ ପ୍ଲାନ ଅନୁମୋଦନରେ କୋଠା ନିର୍ମାଣ, ବିନା ଟ୍ରେଡ ଲାଇସେନ୍ସରେ ବ୍ୟବସାୟ କରୁଥିବା, ହୋଲ ଡିଂ ଟିକସ ଫାଙ୍କୁଥିବା, ପାର୍କିଂ ସୁବିଧା ନ ଥିବା କଲ୍ୟାଣମଣ୍ଡପକୁ ବିଏମସି କାରଣ ଦର୍ଶାଅ ନୋଟିସ କରିଥିଲା। ଜାନୁୟାରୀ ୩୧ ଏହାର ସମୟସୀମା ସରିବା ପରେ ସୋମବାର କଲ୍ୟାଣମଣ୍ଡପ ସିଲ ଅଭିଯାନ ଆରମ୍ଭ ହୋଇଛି। ପ୍ରଥମ ଦିନରେ ୫ଟି କଲ୍ୟାଣମଣ୍ଡପ ସିଲ କରିବ ବିଏମସି। ଏଥିରେ ଦକ୍ଷିଣପୂର୍ବ ଜୋନରେ ସହିଦନଗର ଥାନା ଅଞ୍ଚଳରେ ଗୋଟିଏ, ଉତ୍ତର ଜୋନରେ ଚନ୍ଦ୍ରଶେଖରପୁର ଓ ଇନଫୋସିଟି ଥାନା ଅଧୀନରେ ତିନିଟି ଏବଂ ଦକ୍ଷିଣ ପଶ୍ଚିମ ଜୋନରେ ସାଇ ଗାର୍ଡେନ କଲ୍ୟାଣମଣ୍ଡପ ସିଲ୍ ହେବ। ଦକ୍ଷିଣ ପୂର୍ବ ଜୋନାଲ ଡେପୁଟୀ କମିଶନର ରୁପକ କୁମାର ପଟ୍ଟନାୟକ, ଦକ୍ଷିଣ ପଶ୍ଚିମ ରବି ନାରାୟଣ ଏବଂ ଉତ୍ତରର ପ୍ରମୋଦ ପୃଷ୍ଟିଙ୍କ ନେତୃତ୍ୱରେ ଏହି ସିଲ୍ ଅଭିଯାନ ଚାଲିଛି।
