ଭୁବନେଶ୍ବର,୨୭ା୫: ରାଜ୍ୟରେ ପୁଣି ବଢି଼ପାରେ ବସ୍ ଭଡ଼ା । ଘରୋଇ ବସ୍ ମାଲିକ ସଂଘ ଏନେଇ ଦାବି କରିଛି । ଗତ କିଛି ଭିତରେ ରାଜ୍ୟରେ ତେଲ ଦର ବୃଦ୍ଧି ପାଇଥିବା ବେଳେ ଏହାକୁ ନେଇ କଡ଼ା ଆଭିମୁଖ୍ୟ ଗ୍ରହଣ କରିଛି ଘରୋଇ ମାଲିକ ସଂଘ । ତୈଳ ଦର ବଢିବାରେ ଲାଗୁଛି ହେଲେ ବସ୍ ଭଡ଼ା ବଢାଯାଉ ନାହିଁ ବୋଲି ସଂଘର ସମ୍ପାଦକ କହିଛନ୍ତି । ଭଡ଼ା ନବଢିଲେ ବସ୍ ଗଡିବନି ବୋଲି ସଂଘ ପକ୍ଷରୁ ଚେତାବନୀ ଦିଆଯାଇଛି । ଆସନ୍ତା ଶନିବାର ବସ୍ ମାଲି ସଂଘର ବୈଠକ ପରେ ନିଷ୍ପତ୍ତି ହୋଇପାରେ । ବସ୍ ଭଡ଼ା ବୃଦ୍ଧି କରିବା ପାଇଁ ସରକାର ସଠିକ୍ ନୀତି ଆପଣାନ୍ତୁ ବୋଲି ସଂଘ ପକ୍ଷରୁ କୁହାଯାଇଛି ।
କହିରଖୁଛୁ କି, କିଛି ଘଣ୍ଟା ଆଗରୁ ପରିବହନ ମନ୍ତ୍ରୀ କଡା ଚେତାବନୀ ଦେଇଥିଲେ । ଧାର୍ଯ୍ୟ ଦର ଠାରୁ ଅଧିକ ବସ୍ ଭଡ଼ା ନେଲେ କାର୍ଯ୍ୟାନୁଷ୍ଠାନ ହେବ ବୋଲି କହିଥିଲେ । ତେଲ ଦର ବୃଦ୍ଧି ଯୋଗୁଁ ୨% ବସ୍ ଭଡ଼ା ବୃଦ୍ଧି ହୋଇଛି। ହେଲେ ବି ଅନେକ ସ୍ଥାନରେ ମନଇଚ୍ଛା ଭଡ଼ା ନିଆଯାଉଛି । ସଠିକ ଭଡ଼ା ନେବା ପାଇଁ ବସ୍ ମାଲିକ ଓ କର୍ମଚାରୀଙ୍କୁ ଅପିଲ କରିଛନ୍ତି ପରିବହନ ମନ୍ତ୍ରୀ ।
ଗତ ମେ ମାସ ୧୬ ତାରିଖରେ ବଢ଼ିଥିଲା ବସ୍ ଭଡ଼ା । ସାଧାରଣ ଓ ଏକ୍ସପ୍ରେସ୍ ବସ୍ ଭଡ଼ା ୨ପଇସା ବଢ଼ିଥିବା ବେଳେ ଡିଲକ୍ସ, ଏସି ଡିଲକ୍ସ ଓ ସୁପର ଡିଲକ୍ସ ବସ୍ ଭଡା ରେ ୪ରୁ ୬ ପଇସା ବୃଦ୍ଧି ପାଇଥିଲା ।
