ଲସ୍ ଏଞ୍ଜେଲସ, ୨୯।୧(ପି.ଟି.): ଜଣାଶୁଣା ବାସ୍କେଟ ବଲ୍ ଖେଳାଳି ତଥା ଏନ୍ବିଏ ଲିଜେଣ୍ଡ କୋବ୍ ବ୍ରାଏଣ୍ଟ ହେଲିକପ୍ଟର ଦୁର୍ଘଟଣାରେ ମୃତ୍ୟୁ ବରଣ କରିବା ପରେ ଏ ନେଇ ତଦନ୍ତ ଆରମ୍ଭ ହୋଇଛି। ବ୍ରାଏଣ୍ଟଙ୍କ ହେଲିକପ୍ଟରରେ କୌଣସି ସତର୍କ ବ୍ୟବସ୍ଥା ନ ଥିଲା ବୋଲି କୁହାଯାଇଛି। ପାଇଲଟଙ୍କୁ ସତର୍କ କରାଇବା ଭଳି ଗୁରୁତ୍ୱପୂର୍ଣ୍ଣ ସଫ୍ଟ ଓୟାରର ବ୍ୟବସ୍ଥା ଏହି ହେଲକପ୍ଟରରେ ନ ଥିଲା ବୋଲି ଅଧିକାରୀମାନେ ସୂଚନା ଦେଇଛନ୍ତି। ଦୁର୍ଘଟଣା ପୂର୍ବରୁ ହେଲିକପ୍ଟର ଭୂଇଁର ନିକତର ହେବା ବେଳେ ଟେରାନ ଆଓ୍ବାରନେସ୍ ଆଣ୍ଡ ଓ୍ବାର୍ନିଂ ସିଷ୍ଟମ (ଟିଏଡବ୍ଲ୍ୟୁଏସ୍) ପାଇଲଟଙ୍କୁ ସତର୍କ କରାଥାଏ। ତେବେ ଏହା ଏହି ହେଲିକପ୍ଟରରେ ଲଗାଯାଇ ନ ଥିଲା। ଟିଏଡବ୍ଲ୍ୟୁଏସ୍ ଲାଗା ଯାଇଥିଲେ ପାଇଲଟଙ୍କୁ ଏହା ସାହାଯ୍ୟ କରିଥାନ୍ତା। ହେଲିକପ୍ଟରରେ ଓ୍ବାର୍ନିଂ ସିଷ୍ଟମ ଲଗାଇବା ବାଧ୍ୟତାମୂଳକ ନୁହଁ।
ଇତିମଧ୍ୟରେ ଦୁର୍ଘଟଣା ସ୍ଥଳରେ ଅଧିକାରୀମାନେ ସେମାନଙ୍କ ତଦନ୍ତ ସମ୍ପର୍ନ କରିଛନ୍ତି। ଏହି ଦୁର୍ଘଟଣାରେ ବ୍ରାଏଣ୍ଟଙ୍କ ୧୩ ବର୍ଷର ଝିଅ ଜିଆନାଙ୍କ ସମେତ ୫ଜଣ ବ୍ୟକ୍ତି ମୃତ୍ୟୁବରଣ କରିଥିଲେ। ତେବେ ଏମାନଙ୍କ ମୃତଦେହକୁ ଏପର୍ଯ୍ୟନ୍ତ ଚିହ୍ନଟ କରାଯାଇନାହିଁ।
