ପାଟଣାଗଡ଼ ୧୫।୧୧( ସଚ୍ଚିଦାନନ୍ଦ ମହାକୁର): ବଲାଙ୍ଗୀର ଜିଲା ପାଟଣାଗଡ଼ ବ୍ଳକ ଡାଙ୍ଗବାହାଳ ପଞ୍ଚାୟତ ଗଡିଆଯୋର ଗ୍ରାମରେ ବିଧାୟକଙ୍କ ନିଜସ୍ବ ପାଣ୍ଠିରୁ ୩ ଲକ୍ଷ ଟଙ୍କା ଅଟକଳ ମୂଲ୍ୟର ଚାଲିଥିବା ରାସ୍ତା କାମ ନିମ୍ନମାନର କାମ ହେଉଥିବା ନେଇ ପାଟଣାଗଡ଼ ବ୍ଳକ ଅଧ୍ୟକ୍ଷ ନିଲକାନ୍ତ ବାଗଙ୍କଠାରେ ସ୍ଥାନୀୟ ଲୋକେ ଅଭିଯୋଗ କରିଥିଲେ । ସ୍ଥାନୀୟ ଲୋକଙ୍କ ଅଭିଯୋଗ ପରେ ବ୍ଳକ ଅଧ୍ୟକ୍ଷ ଶ୍ରୀ ବାଗ ଶୁକ୍ରବାର ଉକ୍ତ ଗ୍ରାମକୁ ପହଞ୍ଚି ଜେଇଙ୍କ ଉପସ୍ଥିତିରେ ହେଉଥିବା ରାସ୍ତା କାମର ଯାଞ୍ଚ କରିଥିଲେ ।
ଯାଞ୍ଚ ପରେ ଉକ୍ତ ରାସ୍ତା କାମରେ ବାଲି , ସିମେଣ୍ଟ ଓ ମେଟାଲ ଠିକ ସେ ନ ଦେଉଥିବା ସହ ମାପଚୁପ ଠିକ ନଥିବାରୁ କାମଟି ନିମ୍ନମାନର ହେଉଥିବା ଜାଣିବାକୁ ପାଇଥିଲେ । ପରେ ଏହି ଘଟଣାକୁ ନେଇ ବ୍ଳକ ଗୋଷ୍ଠୀ ଉନ୍ନୟନ ଅଧିକାରୀ ଓ ଜେଇ ଙ୍କୁ ତାଗିଦ କରି ଏହି କାମକୁ ବନ୍ଦ କରାଯାଉ ଓ ପୁନର୍ବାର ଏହି କାମକୁ ନୂତନ ଭାବେ ନିର୍ମାଣ କରାଯାଉ ବୋଲି କହିବା ସହ ଦୋଷୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ ବୋଲି ନିର୍ଦ୍ଦେଶ ଦେଇଥିଲେ ।
